Mikiya 4:9 - Wëël Jwøk

⁹ «?'Ba ennø, aperŋø ni gööï ko oduuru ni dwørï ena maal, ni baŋŋï kaamar dhaagø mo ogøøc mäc lwaarri en? ?Aŋø, beeye kiper mana bäŋe nyeya jïrï? ?A ŋat wø cïpi ki pwöc jïrï athøw?

Mikiya 4:9 Iomraidhean Croise

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Aydheea 26:17

Bëëtö marwa nyïmï atïmö kaamar dhaagø mo ogøøc mäc lwaarri, mo jwöŋö ni ree døøye døøyø ki rääm kanyo tïm kar lwaarri ni cään.

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 4:21

?A këël kany mo nyïëdi nø noo bëëda naa neeta ŋïï mar leny, naa bëëdö naa wïnynya dwør tuuŋ?

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Wëël Kïmmö 4:20

ŋata tïïc Wuuö Jwøki nee wïïe thïïmmi ki maaw, na bëëdö ni caala jwïëy moø, amakge ka abïëp marge, ni beeye ŋata cäänø kipere, ni «Ø doo bëëdö tïpö mare yïthakic wïth juurre.»

Odheea 10:3

'Ba ka adïëri møn geno köö, ni «Waani jïwa bäŋ nyeya, kiper Wuuö Jwøk kärwa lwäärö. 'Ba wa këël doo bëëdö ni jïwa da nyeya, ?agïnaŋø noo duu nyeya dëëtwa?»

Odheea 13:13

Rääm mo leth mo caala man wø lwaarø ki nyilaal atägö dëër Ipariem. 'Ba eni caala nyilaal mo wïïe ba leer. Kiper kanya pïïc kar lwaar mare man lwaarø ki gø, wïïe käre nyuuth wøk.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

Mana Nyooth 12:2

Eni yie da dhaanhø ni kwöŋŋe ki mäc lwaar na en dëëre, ni baŋŋi døc ni manynya lwaar.