Mikiya 4:4 - Wëël Jwøk

⁴ 'Ba ŋati man nø otïmö ni bëëdö tier jaath omøk mare ki tier olaam mare ni yie met jaak, ni bäŋ ŋat mo wëëk geni lwär; kiper Wuuö Jwøk, eni na wïth jammi bëët, bee eni na caan luummögø ki dhee kiree.

Mikiya 4:4 Iomraidhean Croise

1 Nyeye 4:25

'Ba yïth cwiiri moa beet Cølömanni ni ena nyeya, jø Juuda ki jø Icriel gena put bëëtö ni bäŋ gïn mo lääŋge, ni jøw opï piny jaak ni cam päl, ki mana täge ki Daan, paana en jï løø wï-piny, këël mana këët Bëërcïïba na en jï løø tier-piny.

1 Nyeye 5:5

'Ba ka adïëri møn, aani, a manynya man gëëda ki øtø jï Wuuö Jwøk, Jwøk mara, kaawat mana caani ya Wuuö Jwøki jï wära ma Deebit na kööe, ni ‹Wäädï mano tïïa nee pï piny bäät wälu marï noo läw karï, eno gëëdö ki øtø kiper nyeŋŋa.›

Jööp 11:19

Dëërï onyaaŋŋï piny ni bäŋ ŋat mo wëëga ïïni lwär, ni ö jiy mo thööth ni pëënyge køny marï.

Pwöc Leec Wïc 3:25

Kär niï lwäyö ki gïï wø leth ni wø cwöp røk, ki ränynyö man wø ööi bäät jøøa reyø,

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Aydheea 17:2

Päänye mo Aröör wïc owïl ki geni, ni tïmge na kwöro bëët pïïth dïëki yïthge, ni ge butö jaak ni bäŋ ŋat mo tïïya geni nee lwäcge.

Aydheea 22:25

'Ba Wuuö Jwøk, eni na wïth jammi bëët, mare acaane, ni kööe, «Dïcäŋeca, jaath mana no orääö ni teek kanya no oŋäädhö tïmö ni lwäägö, ni toore ni pädhe, ni ö gïïa no olïër dëëre bëët ni ränyge.» Kiper eni na Wuuö Jwøk mare ee nø caan.

Aydheea 26:16

Wui Wuuö Jwøk, jiy moï kanya enge yïth gïï mo leth, ïïna manyge, ni lämge ni ge muuŋö, kanya bëët ajäla marï bäätge.

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 36:16

«Kär dwør Edhekaya wïnynyu; wïnynyu dwør nyeny Aciria na köö, ni ‹Tïïyu bëët-mëër ki aani, ni ööu wøk baŋa. Køøre uuno bëëdö ni ŋati man nø opï piny paare ni cama caammi mo pwöthe ni maatha pïï moa näk ee cooŋø,

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Aydheea 58:14

køør japøgøøni, u jïtö ki met ec baŋa, a na Wuuö Jwøk. U tïŋa maal bäät piny, ni wëëga u cam gïïa beyø yi ŋöömma ci jï kwaru ma Jeekap.» Luummögø caana Wuuö Jwøki ki dhee kiree.

Jeremaya 23:4

Ni mooa geni ki dïkwääye mo käär geni, ni ge ba lwäyi këët, ni ge ba bööi, ni bäŋ aciel mo rwäänyi rege.» Luummögø caana Wuuö Jwøki.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Edhikiel 34:25

« ‹Aani, a tudö ki luum bëët mëër ki jø Icriel, ni ö lääc paapi moa no owär ni riema ge wøk yi ŋöömö, ni öge, ge na dïëk 'moa, ni wëëga geni bëëtö dï paap ni buutge yi lul jaak ni bäŋ gïn lääŋge.

Edhikiel 34:28

Geni, ge ba twier wïth juurre këët, ni ge ba cam lääc paapi këët. 'Ba geno bëëdö ni geno gwøø ni bäŋ gïn wëëk geni lwär.

Edhikiel 38:11

ni kööï, na «A cøøa kuna tuua atude moa näk bäŋ kiiri jïge; aani, a cøøa baŋ jøøke ni bëëdö no ojwöm ni bäŋ gïn lääŋge yøøke, ni beege jø wø bëëdö bëët ni bäŋ kiiri jïge, ki dhøk kiiri, ki dïdëëdi.

Edhikiel 39:26

'Ba kanyo duuge yi ŋöömö marge ni ge bëëdö ni bäŋ gïn lääŋge, ni bäŋ ŋat mo wëëk ge lwär, geni dëëtge jäälge jäälö kiper japa reyø na tïïcge dëëra.

Ciik Kiper Dïlämme 26:6

« ‹Aani thuwø bëët mëër tïïa tïïö ni dagø yi ŋöömö, nou bëëdu ni rou you nyaaŋ piny ni bäŋ ŋat mo wëëk u lwär. Aani thuwø, lääc paap moa reyø tïïa tïïö ni bäŋgø yi ŋöömö maru, ni bäŋe tøŋ mo tïŋ mo ööa baŋu yi ŋöömö maru.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Dhekaraya 3:10

Wuuö Jwøk, eni na wïth jammi bëët, aköö, ni «Dïcäŋöca, ŋati man nø dëëtu watge cwøle cwølø ki met ec ni pïge piny ki gø tier jaath omøk mare ki tier olaam mare.»