Mikiya 4:13 - Wëël Jwøk

¹³ Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Mikiya 4:13 Iomraidhean Croise

Dut Pwøc 24:1

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 21:10

Wui u na jiya ma jø Icriel, u na pïïc gïï mo lethi bäätu, kaamar man wø dïn beel yi laara, gïna wïnynya na caan Wuuö Jwøki, Jwø Icriel, eni na wïth jammi bëët, beeye na caana jïïu enø.

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Jeremaya 51:20

Wuuö Jwøk aköö, ni «Ï na Babiløn en, ïïna tïïa ni ïïna guduum mara na gïr leny mara; beeye ïïni na raanynya wïth juurre ki riï, ni beeye ïïni na raanynya akwöm mo nyeye ki riï.

Jeremaya 51:33

Kiper luumma caan Wuuö Jwøki, Jwø Icriel, eni na wïth jammi bëët, beeye en: Babiløn otïmö kaamar laara moo puuö; ki kany mo thiinh, eno kaa piny kaamar beel.»

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Odheea 10:11

Ipariem caala nyirøøa mo opwönynyö mo yie met ki dïn beel. 'Ba ŋute na mïërö okïtha ki gïr puur ni pura ki gø. Ni ö Juuda ni pure, ni Jeekap tøga pøl.

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Abakuk 3:12

Ki køør räny cwïny marï di piny bäre anyørï; ki køør wëër marï, wïth juurre anyøønï piny.

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 4:14

Kanyøgø nø aløøe ni kööe, ni «Gïïögø na ariiø yøø beege jøøa näk wïthge othïïmmö ki maaw ki man tïnyge Wuuö Jwøk, eni na kwääc bäät piny bäre.»

Dhekaraya 6:5

'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

1 Körin 16:2

Kany wø tïme na cäŋ Jwøk ki yïth juu bëët, ŋati man nø dïïu wäro lwöte ki gïrpiny ni kan gø, kaawat mano en jïre, kiper nee bäŋe jammi mo poot di cooŋø këët dïcäŋo ööa.

Tiet Ciik 33:25

U na jø tuuŋ Acer, dïdëëte mo dhøk kiiri mou otïïc ki nywïënyö ma jwïël, ni bëëdu nou teek ki yïth nïr kwøw mou bëët.»

Jøcua 6:19

'Ba warkey bäre ki gwel-bïrö, ki gïïa no otïïö ki nywïënyö ma jwïël, ki moa no otïïö ki nywïëny møga jaak, beege gïï mo ena kur keerge jï Wuuö Jwøk. Gïïögø doo kïtha kanya no ojiiŋŋø na näk kar kän jï Wuuö Jwøk.»