Mikiya 4:1 - Wëël Jwøk

¹ 'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Mikiya 4:1 Iomraidhean Croise

Wïlöölö 49:1

Køøre Jeekap wääte acwøle, ni kööe, ni «Cooŋŋu rou kanya ciel buuta, kiper nee gïïo tägi dëëtu yi nyïme nee caana jïïu.

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Dut Pwøc 48:1

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 54:2

Tïïc kar oduŋkaara marï ni laac, ni ö abïïe moa näk gëëŋŋe mo kwör bëëte moï ni twöï ge piny ni yïthge iï peerø ni døøŋŋø, ni ba lwagï ge; ni tïïyï thøøth oduŋkaara marï ni bäyö, ni cwödhï teegi moe piny ni teek.

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 48:47

«'Ba kanyo tïme na aŋuun nïne, bëët jø Möap ocäŋa dwøk kare.» Luummögø caana Wuuö Jwøki. Ajäla manøgø beeye mana ŋøl bäät Möap.

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Edhikiel 40:2

Ni manøgø tägi na gïn mo nyootha Jwøki jïra ki yi wïïa; ni käl aani ni kïth aani yi ŋööm Icriel, ni cïp aani bäät kïdi mo bäär døc. 'Ba bäät kïdi manøgø ki jï løø tier-piny da kany mo ogeerø mo nëëni kaamar pääny.

Edhikiel 43:12

Man beeye ciik kiper Øt Jwøk: Ŋøøm moa en deŋ øtø bäre bäät kïdi, wär bëëde ni beeye kanya en kur keere døc na pere leth. Manøgø beeye ciik kiper Øt Jwøk.

Daniel 10:14

'Ba ennø, a ööi kaper nee gïno tägi dëët jiyï yïth nïro en nyïm nee tiere tïme ni ŋäyï, kiper gïna nyooth cäänö kaper nïne mo poot ena nyïm.»

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:35

Ni ö nywïënyö, ko odhöönh, ki jwïël, ki gwel-bïrö, ki warkey ni putge petø na thäŋi yie aciel, ni tïmge kaamar lethø mo ena yi laara ri jam arïïa, ni køøli ya jame, ni bäŋgø mo odööŋ rege. 'Ba thääŋ kïdi mana päth bäät gïnögø no otïïö na kït dhaanhø enø, aput tïmö na kïdi mo dwøŋ ni pääŋ piny bäre.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:22

këël kanya ö Eni Na Nut Yïth Nïr Acääŋŋe, eni na Jwøa Dwøŋ ni en Maal, na ööe ni ŋun jiye, ni beeye kanya ö kanya wäŋŋi ki man cïp buc nyec jïge, ge na jiye.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Dhekaraya 14:10

'Ba ŋööm paac bäre, ki mano täge Gëba këël Rimön na en jï løø tier-piny ki Jerucalem, otïmö ni ree päärö kaamar ŋööm Araba. 'Ba Jerucalem otïmö ni raŋa maal ni bëëdö kare, ki mano täge ki dhi kiir Benjamen këël buut dhi kiir mana dïkwøŋ na en jï løø dhi kiir mana en gøøt kiir, ki mano cäŋ tägö ki Øt Koor Mar Ananel këël kany wø nywøp køøŋ nyeya yie.

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Moa Tïïc Nyïïatwieli 2:17

«ni ‹Jwøk aköö ni ki yïth nïne moo näk aŋuudi, Jwïëya okïtha bäät jiy bëët. Ni ö wäätu ki nyïïu ni køpge dwøra, ni ö wøpe mou ni neenge jammi moo en yi nyïm mo wø nyooth ki yi wïc, ni ö jäle mou ni läkge ki lääk.

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

2 Piter 3:3

'Ba beerra man kwøŋu gïn ŋäc, ni kanyo tïme na aŋuun nïne, jø abuua oööi ni ge buuö, ni ge caatha køør gïïa reyø ni wø many cwïnyge,

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.