Mikiya 3:8 - Wëël Jwøk

⁸ 'Ba aani, dëëra päŋ ki teek, ki Jwïëc Wuuö Jwøk, ki ŋøl ma kare, ni cwïnya da cer, ki man caana gïïa bac nyïïkwaac Jeekapi jïge, ki raay moge, ge na jø Icriel.

Mikiya 3:8 Iomraidhean Croise

Jööp 32:18

Kiper aani jïra da luup mo thööth mo caana caanø; jwïëy moi ni dëëra en a ege wëëk cäänö.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 20:9

'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Jeremaya 6:11

'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 16:2

ni «Wär dhaanhø, japa näk yia raac ki ge na tïïc Jerucalemmi caanï jïre nee ŋääe.

Edhikiel 20:4

«?Wui, wär dhaanhø, luumge ba ŋøli? Ŋøl luumge ni jäälï geni! Gïïa raac yia ki ge na tïïc kwäcge tïïyï nee ŋäcge;

Edhikiel 22:2

ni «?Wär dhaanhø, luum pääny man ŋølï ŋølø? ?Pääny man ni kuny piny ki rem jiy en, luumme ŋølï ŋølø? Japa näk yia raac ki ge bëët na tïïe caanï jïre nee ŋääe,

Edhikiel 23:36

Køøre Wuuö Jwøk aköö jïra, ni «?Wär dhaanhø, Ööla ko Ööliba luumge ba ŋølï? Japa reyø na tïïcge caanï jïge nee ŋäcge.

Edhikiel 3:14

Kanyøgø Jwïëc Jwøk aana put tïŋ maal ni 'käl aani, ni puta aay ni cwïnya okëënynyö ni aano gootø, ni cer Wuuö Jwøk ena bääta naa ee maa ni teek.

Edhikiel 43:10

«'Ba kiperï nø, ï na wär dhaanhø, caan luum Øt Jwøk jï jø Icriel nee wïthge lääge ki raay moge. Beerra man cätge kiper gïna no ocïp piny kiper Øt Jwøk.

Mathiew 7:29

kiper mana pwöny geni na ŋat mo jïre da teek, ni ba caal dïpööye moge mo wø pöö ki ciik Jwøk.

Maak 3:17

ki Jeemeth o Dhebedi, ki coki ma Jøøn, ni beege jøøa caae ni Böönerjith, na näk tiere beeye wäät määc køth,

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,