Mikiya 3:5 - Wëël Jwøk

⁵ 'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Mikiya 3:5 Iomraidhean Croise

Pwöc Leec Wïc 28:21

Ki man nyooth bëët ajeeny paa gïn mo beer, 'ba dhaanhø wø poot jëënyö kiper nyi thääŋ møø mana cïp jïre.

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Jeremaya 23:27

Ki jïge ege caarø ni ki køør lääk mo wø carge yïthakicge ni wïth jiya wïl ki nyeŋŋa, kaa mana wïl wïth kwäcge ki nyeŋŋa ki køør mana wøørge Baal.

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 6:14

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 6:4

Ni köge, ni ‹Jiiŋŋø røø nøø këëdø ki paanøgø; öö maal ni tuuø paanøgø ki dhöör dïcäŋ.› 'Ba køøre ge köö, ni ‹Leny aränynyö, kiper cäŋ anø tïmö ni thiinh ni kwaara piny.

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 13:9

Aani cera tïŋa maal bäät jø wø tïïc rege na nyïïkuk Jwøk ni jääla geni, jø wø cäänö ki luup tööt ni da gïï mo onyoodhø jïge, ni marge adïëda jaak. Geni, ge tïïa tïïö ni bäŋ karge yïthakic jaae 'moa, ni ba göör nyeŋge piny yi wëël nyeŋ mar jø dhi øt Icriel, ni ba døøge yi ŋööm Icriel na bäre bäre. Køøre nø, ŋäyu ŋääö ni beeye aani na Kwäärö Wuuö Jwøk.

Odheea 4:5

U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Jool 3:9

Luubö man gøø piny yïthakic wïth juurre: Ni jiiŋŋu dëëtu kiper leny, ni ö jø lenynyi moa teek ni öge maal. Beerra man ö jø lenynyi bëët ni nyiikge kany mo cään ni tukge.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Milkiya 2:8

'Ba uuni, uuna gaa wøk øtjöö, ni wëëgu jiy mo thööth pädhö ki køør pwöc mou, ni raanynyu gïna tuuda ki nyïïkwaac Libay.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.