Mikiya 3:4 - Wëël Jwøk

⁴ 'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Mikiya 3:4 Iomraidhean Croise

Jööp 27:9

?Aŋø, Jwøk ïthe ciie ciiø ko oduuru mare kanyo ö gïïa lethi bääte?

Jööp 35:13

'Ba ka adïëri møn, Jwøk ïthe ba ciie ko oduuru mo bäŋ tiere; ni eni na en teeki jïre bäŋ gïn caare kiper teeŋ gïnögø.

Pwöc Leec Wïc 1:28

'Ba kar kaace jøøgø aano cøørge, 'ba bäŋ gïn mo løøa jïge, ni manyge aani døc, 'ba a ba jootge,

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 33:5

'Ba kanyo këëtge ki jø Babiløn, uudi moøgø opäŋ ki rïŋ dëët jiy moo 'näk ki køør räny cwïny ki wëër mara. Aani, täärnyïma kana kanø ki pääny man kiper gïïa temge na reyø.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Mikiya 3:7

Jø wø køp gïï mo ena nyïm, wïthge olääi, ni ö jø wø køp luup adïëda ni tïm nyeŋge ni law. Geni, ge bëët täärnyïmge ouumge ki lään wïc, kiper mano ö Jwøki noo ba løk marge.»

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Dhekaraya 7:13

«Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

Mathiew 7:22

'Ba dïcäŋöca jiy mo thööth oköö ki aani, ni ‹?Kwäärö, Kwäärö, aŋø, luum Jwøk kärwa købø ki nyeŋŋï, ni riemwa anäge wøk ki nyeŋŋï, ni tïïcwa tïïe mo thööth mo døøŋŋø ki nyeŋŋï?›

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Jøøn 9:31

Ŋääø ni Jwøk dööt jø raay bäŋ wø wïnynye. 'Ba ni näk da dhaanhø mo wø wøøra Jwøk ni tïïc mana many Jwøki, dwøre wø wïny Jwøki wïnynyö.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

1 Camiel 8:18

'Ba kar kaaca nø, u jwöŋö kiper gïno tïïc nyeya mana manynyu kiper dëëtu; 'ba kar kaagø thuwø, Wuuö Jwøk ïthe ba ciie ki maru.»