Mikiya 3:11 - Wëël Jwøk

¹¹ U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:11 Iomraidhean Croise

Pwöc Leec Wïc 17:23

Ŋat mo raac wø jïëy ki jammi mo wø cïp ki piny ni kuc, nee jïëth ŋøl luup ma adïëri welle.

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 26:7

'Ba dïlämme ki nyïïkuk Jwøk ki jiy bëët dwør Jeremaya awïnyge ni cara luupögø yi Øt Wuuö Jwøk.

Jeremaya 5:12

Geni, a na Wuuö Jwøk, aana taakge, ni köge, ni ‹Wuuö Jwøk bäŋ gïn mo tïïe; bäŋ gïn mo raac mo ö bäätø, ni leny ki käc bäŋgø mo pïï dëëtø.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 7:4

Käru ŋäädhö ki luup cwøk nou cäänö, ni «Bäŋ gïn mo tägi dëëtø, kiper kany beeye kanya en Øt Wuuö Jwøki yie.»

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Edhikiel 34:2

«Wär dhaanhø, caan luum ajäla man jï dïkwääc dïëk mo Icriel, caanï jïge ni kööï ni man beeye luumma caan Kwäärö Wuuö Jwøki, ena köö, no ‹Otïmö ni leth jï dïkwääc dïëk mo Icriel mo wø bëëdö ni ge gwøga rege keerge. ?Aŋø, tïïc mar dïkwääc dïëk, paa kwaac pïïth dïëk na bëëde?

Odheea 4:18

Këël kany wø bëëtge ni meerø oniwaany wïthge, ge poot bëëdö ni ge tïïö ki tïï käp jaak; ni dïbwöthe moge bëëdö ni mëër ki jïëth lään wïc marge.

Odheea 4:8

Geni, ge bëëdö ni ge cama rïŋ mo lääy mo wø cïp no olämme mo raay mo jiya, ni yïthge met ki man bëët jiyi ni ge tïïö ki raay.

Amøc 5:14

Manynyu tïïe moa beyø ni patha tïïe moa reyø, kiper nou bëëdu nou kwøw. Køøre nø, Wuuö Jwøk, eni na wïth jammi bëët, otïmö ni ena buutu møn, ni put thur kare, keda mana køpu gø.

Amøc 9:10

Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Milkiya 2:9

Køøre nø aani thuwø, uuna tïïa ni uuno dwøk piny, ni uuno taaø dï jiy, kiper na käru jööra gwøø, ni jeenynyu jiy ki køør ciik Jwøk.» Gïnögø caana Wuuö Jwøki, eni na wïth jammi bëët.

Kwään Jiy 16:15

'Ba Modhe awëër døc. Køøre ena köö jï Wuuö Jwøk, ni «Kär niï jïëy ki muuy marge. Bäŋ gïn mo yaa lwørø baŋge, këël arëën aciel, ni bäŋ gïn mo leth mo yaa tïïö dëëtge.»

Kwään Jiy 22:7

'Ba jø døøk Möap ki jø døøk Midien gena tïŋŋö, ni ge käädö ki jammi mo cïp na gät tïïc mar acïëni; ni pïïcge baŋ Beelam, ni caange dwør Balak jïre.

Mathiew 3:9

ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

1 Camiel 8:3

'Ba wäät Camiel jöör wääge kärge caadhø; gena gaa wøk ni tïm cwïnyge ni päl ki jammi, ni kätge ki jammi mo wø cïp ki piny, ni daaŋge luup jiy.