Mikiya 2:3 - Wëël Jwøk

³ Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Mikiya 2:3 Iomraidhean Croise

Aydheea 29:20

Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 3:16

'Ba Wuuö Jwøk aköö, ni «Mään mo Dhayan gena tïmö ni ge töödö, ni ge cäädhi ni ge ŋaya ŋutge, ni mïëdö marge di joodø nyeŋge, ni ge cäädhi ni ge kiinynya tietge, ni ge tïïya dööt oguudi moa en tietge nee wïnye.

Aydheea 5:19

ni beege jø wø cäänö ni ge jaŋa Jwøk ni wø köö, ni «Beerra man ö Jwøki ni lääde, beerra man ö eni ni lac tïïc mare, nee neenø. Beerra man ö eni na Jwø Icriel na en kur keere ni laar tïïe moe wëëk thur karge nee ŋääø.»

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 27:12

'Ba teeŋ luupögø bëët acaana jï Cëdëkiya nyeny Juuda, ni kööa, ni «Jïëyu ki man bëëdu tier teek mar nyeny Babiløn na caal jaath puur man wø twöö ŋut rwaath, ni bëëdu ni uuna laaŋe moe ki jiye; køøre u bëëdö nou kwøw.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 36:23

'Ba kanya tïm Jïyudi ni tiel mo jïtö ka adäk wala aŋween thööre thöörö ki kwaan, nyeya tiel moøgø aput ŋul wøk ki caakïïn mar ŋat wø göör luup piny, ni leeŋ gø yi maac mana en ya athaa nyïme, këël mana ö wëëlö bäre ni thööri ya maaci mana en ya athaa.

Jeremaya 43:2

Adhiriya wär Ocaya ki Jöanan o Karëa ki jøw okiera bëët aköö jï Jeremaya, ni «Ïïni, ï caana tööt jaak! Wuuö Jwøk, Jwøk marø, ï käre jääŋŋö baŋwa niï kööï ki waani, ni ‹Käru ci Ijep baŋ bëëtö kaace.›

Jeremaya 8:3

Jiy mo odööŋ røk jøøi na reyø ii, ni beege mo odööŋ kwöro riema geni yïthge bëët, otïmö ni ge para thøø buut kwøw.» Luummögø caana Wuuö Jwøki, eni na wïth jammi bëët.

Wëël Kïmmö 1:14

«Raay 'moa na peek kaamar jaath puur man wø jøøny ŋut rwaath ee kut piny, ni ee twöö na aciel. Ge bëëdö ni geno pïï ŋuta, ni ö eni ni raany teek dëël mara. Kwäärö Wuuö Jwøk aana cïp ceŋ jiy maa a ba løny ki cuŋŋö nyïmge.

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Wëël Kïmmö 5:5

Jiy moa ŋwiec køørwa gena pïï røk opuny tietwa; waana ööl døc, ni bäŋ jwöm mo ewa joodø.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Amøc 2:14

Këël dhaanhø mo ŋwïëy ŋääe ba bøth, ni ö ŋata dëëre teek ni bänh dëëre, ni ö ŋat lenynyi ni ba piem jwïëye.

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Amøc 5:13

Kiper manøgø nø, eni na näk wïïe da acaara obëëdö ni lïŋö kar kaace, kiper piny bëëdö ni raac.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.

Wëëlö Mana Göör Pøølli Baŋ Jø Röm 16:4

Geni, jwïëcge ataakge kiper naa kwøa, ni patha a keera ni wø pwøc Jwøk kiperge, 'ba këël acook Jwøk mo juurre bëët thuwø.

Epeca 5:16

Ni magu rou døc ki man tïïyu gïï mo beyø, kiper nïri ii beege nïne mo raay.

Tiet Ciik 28:48

nyïïmännu moo jääŋ Wuuö Jwøki baŋu otïnynyu nou can ki jammi bëët, ni dëëtu da käc ki riew ki wääth røk; ni ö Wuuö Jwøki ni kïth ajäla mo teek bäätu, këël mano thöör uuni na bäre.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.