Mikiya 2:12 - Wëël Jwøk

¹² 'Ba mana caan Wuuö Jwøki beeye en, ena köö, ni «U na nyïïkwaac Jeekap, u cooŋa kanya ciel u bëët, ni lema uuni, u na jø Icriel moo dööŋ, ni cïba uuni kanya ciel kaamar dïëk mo ena kaal, ni cuuny pinynyi ki jiy.»

Mikiya 2:12 Iomraidhean Croise

Wïlöölö 36:33

Køøre Bëla athøw, ni ö Jöbap o Dheera nyï Bödhra ni tïme na nyeya kar gø.

1 Luup Nyeye 1:44

Køøre Bëla athøw; ni ö Jöbap o Dheera nyï Bödhra ni tïme na nyeya kar gø.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 34:6

Opëëllö mare ogääbi ki remø bäre. Ree orwødhe ki dwäle, ni rwøth ree ki rem mo caala rem mo nyïï rööm ka atëëe, ki dwäle mo caala dwäle mo røgi mo nyöök rööm. Kiper Wuuö Jwøk jiy onääe yi Bödhra, kaawat man wø 'näk lääy mo wø cïp no olämme, ni tïïc 'näk mana dwøŋ døc yi ŋööm Ëdöm bäre.

Aydheea 5:17

Køøre nyïïdïëk ocämö dï paac kaamar kar kwaath marge, ni ö wëëlle ni caamge gïïa jootge wïth mïëri moa no oränynyö mo jøøa no okwär.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Edhikiel 34:11

«Kiper man bee luumma caan Kwäärö Wuuö Jwøki, ena köö, ni ‹Ka adïëri møn, aani ki dëëra kiree dïëk 'moa omanynya ni gwøa geni.

Edhikiel 34:13

Geno käla wøk ki yïthakic wïth juurre ni cuuŋa geni ki yïth mïëri, ni käla ge yi ŋöömö marge, ni caama geni bäät kïte mo Icriel, ni ge ena deŋ nyeŋ näm, ni ge ena kwör wø beet bëët yi ŋöömö manøgø.

Edhikiel 34:22

kiper manøgønø, aani, pïïth dïëk 'moa piema piemø nee ge ba twier këët. Aani a bëëdö ni luup ŋøla ŋølø yïthakic diel man nø ki wati maya.

Edhikiel 34:31

'Ba u na dïëk 'moa, ni bee u dïëk 'moa mo wø caama, uuna jiy 'moa, ni aana Jwøk maru.› Luummögø caana Kwäärö Wuuö Jwøki.»

Edhikiel 36:37

«'Ba man beeye luumma cäŋ Kwäärö Wuuö Jwøki caannø, ena köö, ‹Aani thuwø, jø Icriel ge tïïa tïïö naa pëënyge kiper nee gïn tïïa jïge: Jiy moge meeda meedø nee tïmge kaamar pïïth dïëk,

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Amøc 1:12

Kiper manøgø nø, maac ojääŋŋa, ni waaŋ paana cwøl ni Tëman, ki uudi moa teek na en dï Bödhra.»

Mikiya 2:13

Wuuö Jwøk jöö di jabø ni ci maal nyïm jiye, ni ö jiyi ni cige køøre, ni cørge dhi kiir, ni cige wøk ki yie. Nyeya marge beeye noo cäädhi nyïmge, ni eni na Wuuö Jwøk beeye noo bwödhö maal wïthge.

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.