Mikiya 2:10 - Wëël Jwøk

¹⁰ Uuni, u ööa maal ni aayu nou mak ka tøŋ, kiper kany ba tïmö na kar bëëtö maru, kiper mana tïïyu gø ni ba waany ni ränynye, ni tïme kaamar ŋwellø mo bäŋ køny mo joode.

Mikiya 2:10 Iomraidhean Croise

1 Nyeye 9:7

aani jø Icriel käla wøk ki yïth ŋøøm moa cïba jïge, ni ö øtø mana näk yaa nø cïp kur keere kiper nyeŋŋa ni leeŋa gø wøk nyïma. Køøre nø, jø Icriel ge tïmö ni gena jø wø ŋäät dëëtge, ni bëëtge ni gena gïr waac yïthakic wïth juurre bëët.

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

2 Luup Nyeye 7:20

aani, u cööda wøk yïth ŋøøm 'moa moa cïba jïïu, ni ö øtø man ni yaa cïp kur keere kiper nyeŋŋa en, ni leeŋa gø wøk nyïma, ni tïïa gø na gïn ŋäät ree, na gïr waac yïthakic wïth juurre bëët.

Jeremaya 10:18

Kiper luumma caan Wuuö Jwøki beeye en, ena köö, «Ka adïëri møn, beeye kar kany keetha jiy yie ennø, mo wø bëëdö yi ŋöömmi, ni kïtha bäätge ki gïï mo leth mo bäŋ ŋat mo bøth ki gø.»

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Jeremaya 9:19

Kiper dööt jiy mo göö ko oduuru wïnyö ki Dhayan, ni ge köö, ni ‹Øøna ränynyö na bäre, ni lää wïthø døc; kiper ŋöömö marø awiiø, ki køør mana nyaage kwör bëëte 'moø piny.› »

Edhikiel 36:17

«Wär dhaanhø, kanya bëët jø Icrielli yi ŋöömö marge, ŋöömö apäätge ki bëëtö marge ki tïïe moge. Bëëtö marge ki baŋa, nëëni kaamar bäŋ waany mar dhaagø mo gïr mään opïï dëëre.

Edhikiel 36:19

Aani, gena keetha dï wïth juurre, ni putge nibay yïth mïëri; ni ŋøla luup moge ki køør bëëtö marge ki tïïe moge.

Tiet Ciik 12:9

kiper mana näk mou poot kär pïï kar jwömö, ni beeye kanyo dööŋ jïïu na maru noo cïp Wuuö Jwøki na näk Jwøu jïïu.

Tiet Ciik 30:18

ka adïëri møn, u thum ki thøø. U ba bëëdö ki kany mo bäär yi ŋöömmo ŋutu yie løø Naam Jördan løøga nou cou yie nou lwørru na maru.

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.