Mikiya 1:6 - Wëël Jwøk

⁶ «Kiper manøgønø, aani, Cameria oraanynya ni neeruuth, ni tïme na pwödhö kany piith omøki yie. Ni leeŋa kïte moe piny ya agäm-kïdi, ni ëëla tiet uudi moe wøk.

Mikiya 1:6 Iomraidhean Croise

2 Camiel 17:13

'Ba ni näk mo da pääny mo eni reŋŋa yie, ø na jø Icriel bëët en, pääny maneca putø ka wïr ki thøøli ni gøø gø piny, këël mano leeŋø gø ya agäm-kïdi mano en buute kaace, ni ö kar pääny manøgø ni dööŋe ni leer ni bäŋ waŋ kïdi mo joot yie këël mo thiinh.»

2 Nyeye 18:10

'Ba kanya tïme na aŋuun dää cwiiri, jø Aciria Cameria amacge, ni beeye ri bïcier cwiiri moa beet Edhekaya yi nyec, ni beeye ri bïŋweer cwiiri moa beet Awcë ni ena nyeny Icriel.

2 Nyeye 18:9

'Ba kanya tïme na ri ŋweer cwiiri moa beet Edhekaya ni ena nyeny Juuda, ni beeye ri bïriet cwiiri moa beet Awcë wär Ëla ni ena nyeny Icriel, Calmanëcër nyeny Aciria acøø nee këëde ki jø Icriel Cameria, ni ciel Cameria dïër.

2 Nyeye 19:25

«?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 25:12

Kiiri moge moa no ogeerø ni bäyö onyaa Wuuö Jwøki piny, ni wëëk ge niruuth yïth ŋøøm, këël mano gääpge ki tør.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Jeremaya 31:5

Uuno cäŋ pïïdhö ko omøki bäät thuuri mo Cameria; ni jøw pïïdhö, nyïï gïïa piithge ocamge.

Jeremaya 51:25

«Wui, Babiløn, ï na teek kaamar kïdi, na raany piny bäre; ka adïëri møn, a na Wuuö Jwøk, mara caana caanø dëërï, ni bëët cera ni ena dëërï, ni ŋïëla ï piny ki bäät kïdi, ni wëëga ï waaŋ ni tïmï na bur.

Jeremaya 51:37

Babiløn oränynyi ni needwöt, ni tïme na kar bëëtö mar othööe, na gïr abuua, ni tïm cwïny jiy ni böö ki gïno tägi dëëre, ni bäŋ jiy mo bëëdö yie.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Wëël Kïmmö 4:1

Aŋø, warkey otïmö ni cøl nidïï; Aŋø, warkey mana tøŋ ree ee wiilø nidïï! Gïïa beyø na geer Øt Jwøk ki ge, aøc piny këël mana pïïcge nyeŋ jïëthe.

Edhikiel 13:14

Kiir mana rwøthu ki booya manøgø raanynya raanynyø ni neeruuth piny, ni tïm tiere ni nëënö wøk. 'Ba kanyo pädhe, uuno maae yie ni put ränynyö na aciel ki uuni bëët. Køøre nø, ŋäyu ŋääö ni bee aani na Wuuö Jwøk.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Abakuk 3:13

Ïïna ci nyïm kiper jiyï nee piemï, kiper man piemï dhaanhnhï na näk wïïe othïïmmö ki maaw. Ïïni wï dïbwödhi mar dhi øtø mana raac anyathï, ni lweerï eni na bäre bäre.

Mathiew 24:2

Ni dwøk gø jïge, ni «?Gïïögø bëët ajootu? Adïëri møn a cäänna uuni, otïmö ni bäŋ kïdi aciel kany mo dööŋ bäät watge ni ba leeŋ piny.»