Mikiya 1:16 - Wëël Jwøk

¹⁶ U na jø Juuda, gwääru wïthu wøk ni dööŋge no otal, kiper obwöre mou na mëërru ki geni okäl. Uuni gwääru wïthu wøk bäre ni dööŋge kaamar wïth acudhi, kiper obwöre mou di maaø baŋu ki tøŋ ni aacge.

Mikiya 1:16 Iomraidhean Croise

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Jööp 1:20

Kanyøgø Jööp aput ö maal ni jeeya abïïne, ni gwäär jïëye wøk. Køøre Jööp dëëre aleeŋ piny yïth ŋøøm, ni wøør Jwøk,

Aydheea 15:2

Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Jeremaya 16:6

Jiy moa kwörge døøŋŋø ki moa kwörge bäŋgø ge thøøa yi ŋöömmi en, ni ge ba koony, ni bäŋ jiy mo jwøk geni, ni bäŋ ŋat mo tïïc dëëre ki gïn mo leth kiperge, ni bäŋ ŋat mo gwäära wïïe wøk.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 47:5

Geedha odööŋ ni leer kaamar ŋat mo wïïe otal, ni ö jø Ackelönni ni dït wïthge. ?Wui, u na näk odööŋ ni wø bëëdö yi ŋöömma näk ree ee päärö mar jø Pilitin, a këël kany mo nyïëdi nø noo bëëdu nou kïmmö ni dëëtu ŋaru ŋarø ki gïï mo beth?

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Wëël Kïmmö 2:19

Pänynyu maal kany wø ö jø koorri mo wäär noo täkge ki koor, ni jwöŋu ni döötu ena maal. Gwääru cwïnynyu wøk bäre kaamar pänh jwïïö nyïm Kwäärö Wuuö Jwøk. Thaaŋu ceŋŋu maal baŋe kiper kwøw mar obwöre mou moa therø na näk oräp piny ki käc nyeŋ jïëthe.

Amøc 7:11

Kiper Amøc aköö, «ni ‹Jeröbäm di nääö ri leny, ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Tiet Ciik 28:41

Uuno nyöödö ko obwöre ma cwøw ki ma mään, 'ba ge ba bëëdö na mou, kiper ge di maaø ki tøŋ, ni käl ge.