Mikiya 1:13 - Wëël Jwøk

¹³ U ni wø bëëdö Lakic, twöu jïëth leny dëët okwëënyi ni reŋu! U na jø Lakic, bee u na täk raay dïkwøŋ jï jø Dhayan kiper gïïa bac jø Icrielli ajoot baŋu.

Mikiya 1:13 Iomraidhean Croise

Wïlöölö 19:17

'Ba kanya nø kïthge geni wøk, dhaanhø aciel dïge aköö, «Reŋu nø, ni gwøgu jwïëyu, kär dee ŋat lwïthi ŋääe, ni ba ruuwu gool man en këët; cou reŋŋu bäät kïte kiper nou ba rwöp ki jøøi.»

1 Nyeye 14:16

'Ba Wuuö Jwøk jø Icriel kwiere kwierø kiper gïïa reyø na tïïc Jeröbämmi na wëëk jø Icriel tïïc ki raay.»

1 Nyeye 16:31

'Ba eni, mana bëëde ni eni caatha køør tïïe moa reyø na tïïc Jeröbämmi o Nebat, aneene na gïn mo thiinh, ni cäŋ Jedhebel nyi Ëtbaal nyeny jø Caydan nywømø, ni cøøe ni tïny jwøa cwøl ni Baal ni wøør gø.

1 Nyeye 4:28

Ni känge thuwø ki beel ki luum kiper okwëënyi mo wø tut jïëth leny, ko okwëënyi møga, ni kïthge ge kanya wäŋŋi ni kïth yie. Ni ŋati man nø känni ka køør mana caan jïre.

2 Nyeye 14:19

'Ba da ageem maa tïïc dëër Amaciya yi Jerucalem, ni ö eni ni reŋ Lakic; 'ba gena jääk køøre Lakic ni put gø 'näk kunece.

2 Nyeye 18:17

Køøre nyeny Aciria, kwääc lenye moa cøøri ni Tartan ki Rapcaric ki Rapcakë, ki lwaa leny mo päl, ajääŋŋe ki Lakic, nee ge cige Jerucalem baŋ nyeya ma Edhekaya; ni aacge ni pïïcge deŋ Jerucalem. 'Ba kanya pïïcge, gena cuŋŋö bäät øøl pïï mana käl yi puul mana en jï maal, waŋjööra dwøŋ man wø cør pwöla mar jø peny ka abïïe.

2 Nyeye 8:18

'Ba ena bëëdö ni caatha køør gïïa reyø na tïïc nyeye mo Icriel, kaawat moa tïïc jø dhi øt Akap, kiper nya Akap ee nywømø. Ni ö eni ni tïïe ki gïï mo nëëni ni reyø ki jï Wuuö Jwøk.

2 Luup Nyeye 11:9

ka Adöram, ki Lakic, ka Adhëka,

2 Luup Nyeye 32:9

'Ba køøre nyeny Aciria ma Cenakerëp, kanya bëëde ni deŋ Lakic ee cielø ki jø leny moe bëët na en buute, ena jääk yi Jerucalem ki dwøl ki ceŋ jø kööre moe baŋ Edhekaya nyeny Juuda ki jø Juuda bëët mo wø bëëdö Jerucalem; ni ö jøøa jääŋŋi ni köge,

Jööp 39:10

?Aŋø, løny jïrï ki man magï gø nee pwödhö marï puure? ?Aŋø, løny jïre ki man kuk gool jïrï?

Bwøth Wøk 32:21

Køøre Modhe aköö jï Aran, na «?Agïnaŋø na tïïc jøøi dëërï, ni kïthï bääyö man ni dwøŋ bäätge en?»

Aydheea 10:31

Jø Matmëna anø bwøk, ni ö jøøa bëëdö Gëëbïm ni nø kaange rege.

Aydheea 36:2

Køøre nyeny Aciria, kwääy lwaa leny mana cwøl ni Rapcakë, ki lwaa leny mo päl, ajääŋŋe ki Lakic nee cige Jerucalem baŋ nyeya ma Edhekaya. Kanyøgønø gena cuŋŋö bäät øøl pïï mana käl yi puul mana en jï maal, waŋjööra dwøŋ man wø cør pwöla mar jø peny ka abïïe.

Aydheea 37:8

'Ba kanya ö kwääy lwaa leny na wïny gø ni nyeny Aciria onø aay Lakic, ena cøø ni nwän nyeny Aciria ni këëdö ki jø Libana.

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Jeremaya 34:7

kanya bëët jø lenynyi mo nyeny Babiløn ni ge këëdö Jerucalem ki päänye bëët moa näk poot no odööŋ yi Juuda, ni beege Lakic ka Adhëka, kiper bee geni keerge moa näk odööŋ røk päänye bëët moa näk ogeerø ni teek yi Juuda.

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Edhikiel 23:11

«'Ba coki mo Ööliba gïnögø ajoode, 'ba ena cäŋ rïïŋö køør käp ni kaala coki, ni tïm gath dëëlli mare no okaadhø ki mar coki.

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Jøcua 10:3

Kiper manøgønø, Adöni-Dhëdek nyeny Jerucalem ajäägö ki dwøl baŋ Owam nyeny Keeprön, ki Piram nyeny Jërmut, ki Japia nyeny Lakic, ki Dabëër nyeny Ëglön, ni kööe,

Jøcua 15:39

ki Lakic, ki Böckat, ki Ëglön,

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.