Mikiya 1:1 - Wëël Jwøk

¹ Man beeye dwør Wuuö Jwøk mana ö bäät Mikiya nyï Mörëcëth yïth nïra beet Jöthammi, ki Eeyeth, ki Edhekaya ni gena nyec Juuda, ni beeye luubö mana joode kiper Cameria ki Jerucalem.

Mikiya 1:1 Iomraidhean Croise

2 Nyeye 15:32

'Ba kanya tïme na ri riet cwiiri moa bëët Peka o Remaliya ni ena nyeny Icriel, beeye kanya tïm Jötham wär Adhariya ni ena nyeya Juuda.

2 Nyeye 15:5

'Ba Wuuö Jwøk nyeya ajääle ni kïth dëër gø ki dhøøbø, këël aŋuun kwøw mare. Ni bëëde yi øtø kur keere, ni ö wääde ma Jötham ni put tïmö ni paan-dwøŋ ki paac bäre ena cere.

2 Nyeye 16:1

'Ba kanya tïme na ri cwiiri apaar ka abïriiø moa beet Peka o Remaliya ni ena nyeny Icriel, beeye kanya tïm Eeyethi o Jötham na nyeny Juuda.

2 Nyeye 18:1

'Ba kanya tïme na ri dää cwiiri moa beet Awcë wär Ëla ni ena nyeny Icriel, Edhekaya wär Eeyeth atïmö na nyeny Juuda.

2 Luup Nyeye 28:1

'Ba kanya tïm Eeyethi na nyeya, cwiic dööŋö moe beege pïërariiø, ni bëëde ki cwiiri apaar ka abïciel ni ena nyeya yi Jerucalem. 'Ba eni kär bëëdö ni tïïya gïï mo nëëni ni beyø ki jï Wuuö Jwøk kaawat mana bëët kwari ma Deebit ni tïïya gïï mo beyø.

2 Luup Nyeye 29:1

'Ba kanya tïm Edhekaya na nyeya, cwiic dööŋö moe beege pïërariiø kurbïïc, ni bëëde ki cwiiri ma pïërariiø ka abïŋween ni ena nyeya yi Jerucalem. 'Ba nyeŋ menni beeye Abaaja nyi Dhekaraya.

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 7:1

'Ba yïth nïra bëët Eeyeth o Jötham, wär Udhaya, na nyeny Juuda, Recin nyeny Aram ki Peka o Remaliya, nyeny Icriel, gena ci Jerucalem baŋ leny, 'ba kär løny ki man tukge gø.

Aydheea 7:9

Pääny mana dwøŋ mar Ipariem beeye Cameria, ni bwödhi mar Cameria beeye o Remaliya. Ni näk mo gïnögø ba ŋääthu, ka adïëri møn, u ba ruu.» › »

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Odheea 1:1

'Ba man beeye dwør Wuuö Jwøk mana ö bäät Odheea o Bëëri yïth nïra bëët Udhaya, ki Jötham, ki Eeyeth, ki Edhekaya ni gena nyeye mo Juuda, ni Jeröbäm o Jeyöac ena nyeya mar Icriel.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Abakuk 1:1

Man beeye dwør Wuuö Jwøk mana caal tëër na ö bäät nyikuŋ Jwøk ma Abakuk.

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.