Mathiew 9:6 - Wëël Jwøk

⁶ 'Ba kiper nee ŋäyu nø ni Wär Dhaanhø jïre da teek bäät piny ki man wec raay,» ena köö jï ŋata näk obäp, ni «Ö maal, ni lwørï pëëmï, ni ciï paac.»

Mathiew 9:6 Iomraidhean Croise

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Mathiew 9:2

Kanyøgøøni jiy akän baŋe ki ŋat mo obäp, mo opïël bäät pëëm. 'Ba kanya ö Jecu na neen ŋäädhe marge, ena köö jï ŋata näk obäp, ni «Mak cwïnyï, wääda, raay moï awec.»

Mathiew 9:5

?A mane ni jööta eni na doo caanø, beeye, ni ‹Raay moï awec,› wala ki man caani, ni ‹Ö maal, ni cäädhï›?

Mathiew 9:7

Ni ö ŋatøgø maal ni ci paac.

Maak 2:10

'Ba kiper nee ŋäyu nø, ni Wär Dhaanhø jïre da teek bäät piny ki man wec raay,» ena köö jï ŋata näk obäp, na «A cäänna ïïni,

Maak 2:7

na «?Aŋø na cään nyeni na enø nø? Mare ajaany. ?Aŋa na doo wec raay? ?Aŋø, paa Jwøk keere?»

Luk 5:21

'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 5:27

Ni wëëk teek mar ŋøl luup cer gø, kiper na näk ena Wär Dhaanhø.

Jøøn 5:8

'Ba Jecu aköö jïre, ni «Ö maal ni lwørï pïënï ni cäädhï.»

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Moa Tïïc Nyïïatwieli 9:34

Ni kö Piterri jïgø, na «Aneea, ïïna køny Jecu Krictø; ö maal ni jegï pëëmï.» Ni put ö maal.

2 Körin 2:10

'Ba ŋato wäro wëënnu, wëënna wëënnö thuwø. Ni näk cwïnya yaa cïp piny ki gïrpiny, gïna cïba cwïnya piny ki gø, tïïa kaperu nyïm Krictø,

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

Epeca 4:32

'Ba køønynyu røgu, ni cwïnynyu da mëër, ni wëënnu røgu kaawat mana ö Jwøki na wec raayu ki ri Krictø.

Köløcia 3:13

Ni bäŋe ya ŋat mo cwïnye laara ränynyö ki watge maya. 'Ba ni näk da ŋat mo manynya cäänö kiper gïn mo oraany watge, beerra man cïp cwïnye piny ki gø. Kiper cwïnynyu dou cïba piny thuwø, keda mana ö Wuue na cïp cwïnye piny ki uuni.