Mathiew 9:38 - Wëël Jwøk

³⁸ Kiper manøgønø, kwaayu Wää pwöthögø no ociek enø, nee jääk yi pwödhö mare ki jø tïïc.»

Mathiew 9:38 Iomraidhean Croise

Jeremaya 3:15

Køøre uuno mooa ki dïkwääye mo cwïnyge ena køøra, ni bwøthge uuni ki leec wïc ki ŋäc tiet luup.»

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Mathiew 9:37

Kanyøgø bääge aluumme, ni «Pwödhö aciek døc, 'ba jø tïïc nøk.

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 4:35

?Aŋø, u bäŋ wø cäänö, ni ‹Da dwäde aŋween mo poodi, 'ba noo näk køøre, beeye noo kac beel›? 'Ba a caana gø jïïu, ni tïŋu wïthu maal ni neennu pwöth ki nyeŋŋu no onø ciek ni rømi ka kac.

Moa Tïïc Nyïïatwieli 13:2

Kanya wøørge Wuuö ni ge lämö ki lam-wödö, Jwïëc Jwøk na en kur keere aköö, ni «Cïbu Barnaba ki Cøøl kur keerge jïra, kiper tïïc mana cöölla geni gø.»

Moa Tïïc Nyïïatwieli 8:4

'Ba jøøa keethø, gena cäädhö ni ge køpa luum Jwøk.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

2 Thecalönika 3:1

'Ba mana dööŋ keere nø, nyïïmera, lämu kiperwa, nee luum Wuuö nyaae døc ni di jiemø, keda mana täge dïïu,