Mathiew 9:36 - Wëël Jwøk

³⁶ 'Ba na neen lwaak, cwïnye apädhö ki gïrge, kiper ge wïïrö jaak, ni bäŋ ŋat køny geni, ni ge bëëdö kaamar dïëk mo bäŋ dïkwääy jïge.

Mathiew 9:36 Iomraidhean Croise

1 Nyeye 22:17

Kanyøgø Mikaya aköö, ni «Aani jø Icriel bëët ajooda ni geno keethø bäät kïte, kaamar dïëk mo bäŋ dïkwääy jïge. 'Ba Wuuö Jwøk aköö, ni ‹Jøøi bäŋ wääge; beerra man ö ŋati man nø ni døø paare ni bäŋ gïn mo otägö dëëre.› »

2 Luup Nyeye 18:16

Kanyøgø Mikaya aköö, ni «Aani, jø Icriel bëët ajooda ni geno keethø bäät kïte, kaamar dïëk mo bäŋ dïkwääy jïge. 'Ba Wuuö Jwøk aköö, ni ‹Jøøi bäŋ wääge; beerra man ö ŋati man nø ni døø paare ni bäŋ gïn mo otägö dëëre.› »

Aydheea 13:14

«Ni tïm jiyi kaamar röönne mo di dwarø, ni tïmge kaamar dïëk mo bäŋ dïkwääy jïge, ni ö ŋati man nø dëëtge ni døø baŋ jø poge, ni ö ŋati man nø ni døø yi ŋöömö marge.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Dhekaraya 11:16

Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.

Kwään Jiy 27:17

ŋat mo løny jïre ki man bwödhe nyïmge, ni tïïe bëët moo tïïc lwaa Icrielli ena cere, kiper nee lwaak marï, ï na Wuuö Jwøk, nee ba bëëtge kaamar dïëk mo bäŋ dïkwääy jïge.»

Mathiew 10:6

'Ba cou baŋ jø Icriel ni wø caal dïëk mo orwäänyö.

Mathiew 14:14

'Ba kanya ö Jecu na eth wøk, lwaak mo päl ajoode, ni päth cwïnye ki gïrge, ni køny jøøa tuu dïge.

Mathiew 15:24

Ni dwøgi ya Jecu, na «A jääŋŋi kaper jø Icriel keerge ni wø caal dïëk mo orwäänyö.»

Mathiew 15:32

Kanyøgø Jecu bääge acwöl baŋe, ni kööe, ni «Cwïnya apädhö ki gïr lwaaøgø, kiper nïne adäk ennø ni ge bëëdö ka aani, ni bäŋ gïn mo camge. 'Ba aani yia ba met ki man wëëga ge wääth ki käc. Kanymør ge bup waŋjöö.»

Maak 6:34

'Ba na ïnh Jecu wøk, lwaak mo päl ajoode, ni päth cwïnye ki gïrge, kiper na tïmge ni ge caala dïëk mo bäŋ dïkwääy jïge. Ni täge ki man pwöny geni ki luup mo thööth.

Maak 8:2

ni «Aani cwïnya apädhö ki gïr lwaaøgø, kiper nïne adäk ennø ni ge bëëdö ka aani, ni bäŋ gïn mo camge.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.

Ibaru 5:2

Ni ŋatøca løny jïre ki man cääne mëëth ki jø wø bäŋ gïn ŋäcge ki jø wø bääyi, kiper eni ki dëëre e jääk thuwø.