Mathiew 9:35 - Wëël Jwøk

³⁵ Ni ö Jecu ni caath dï mïëri bëët, moa døøŋŋø ki moa therø, ni pöö yïth uut acook lam moge, ni køpa luumma nyään na met mar buc Jwøk, ni kunyö ki teeŋ täwe bëët ki teeŋ ŋwiili bëët.

Mathiew 9:35 Iomraidhean Croise

Mathiew 10:1

Ni ö Jecu ni cwøl bääge baŋe moa na apaar kurriiø, ni mooc ge ki teek bäät juuga reyø, nee riemge wøk; ni mooc ge ki teek ki man kønyge teeŋ täwe ki ŋwiili bëët.

Mathiew 11:1

'Ba na løny Jecu ki pwöny bääge moa na apaar kurriiø, ena aay kaace ni ci kuna pööye ni køpa luum Jwøk dï mïëri.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Maak 1:14

'Ba kanya nø twöc Jøøn, Jecu aluuny ö yi Galili, ni køpa luum Jwøk na nyään na met.

Maak 6:56

'Ba kany wø ci Jecu yie, nee ena yïth mïëri moa therø ki yïth päänye, wala dï paac, jiy moa tuu wø pïëlge kwör ŋïëw, ni kwaacge eni këël ki man gutge deŋ abïïne keere jaak. 'Ba jøøa gut gø bëët, dëëtge adøø karge.

Maak 6:6

Ni rëëm yie kiper mana kärge jïëy. Ni caath dï mïëri ni pöö.

Luk 13:22

Ni ö Jecu ni tïŋ wääthe ni cøøa yi Jerucalem, ni caatha dï mïëri moa døøŋŋø ki moa therø, ni pöö.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.