Mathiew 9:33 - Wëël Jwøk

³³ 'Ba na nø riem anägö wøk, nyena näk ba cäänö aput cäänö. Ni ö lwaaki ni rëëm yïthge, ni köge, ni «Bäŋ gïn mo nëëna gïn mo okwøŋ neen dï Icriel cøøn.»

Mathiew 9:33 Iomraidhean Croise

2 Nyeye 5:8

'Ba kanya ö nyikuŋ Jwøki ma Ilaaca na wïny gø ni nyeny Icriel abïïe moe ajeeye, ena jääk baŋ gø ki dwøl ni kööe, na «?Aperŋø na jeeyï abïïe moï? Ennø, wec eni nee ö baŋa, nee put ŋäc ni da nyikuŋ Jwøk Icriel.»

Dut Pwøc 76:1

Aydheea 35:6

Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Jeremaya 32:20

Ïïna tïïö ki nyuuthe ki gïï mo rëëma ec yi ŋööm Ijep, ni ï wø poot tïïö ki nyuuthe yi ŋööm Icriel ki dï jiy ma teeŋi këël dïcäŋi en, ni tïïyï nyeŋŋï nee wïnye kaawat man bëëde dïcäŋi en.

Mathiew 8:10

'Ba kanya ö Jecu na wïny mare, yie arëëm, ni kööe jï jøøa cäädhö køøre, na «Adïëri møn, a cäänna uuni, ni teeŋ ŋäädhe ma enøgønø poot kära joodø, këël dï jø Icriel.

Mathiew 9:32

'Ba kanya nø tïŋ jagøgø na ariiø yøø, nyen mør mo ba cäänö mo dëëre da anägö akäl baŋ Jecu.

Maak 2:12

Ni put ŋatøgø ö maal ni lwør pëëm ni aa wøk nyïmge bëët. Kanyøgø nø, yïthge arëëm bëët, ni jiemge Jwøk, ni köge, ni «Bäŋ gïn mo ewa kwøŋ neen mo nëëna gïn.»

Luk 11:14

'Ba kanyøgø Jecu rëëmma wøk ka anägö mo dhaanhø ee tïïö ni ba cäänö. 'Ba kanya ö anäŋŋögø wøk, ŋata näk ba cäänö atïmö ni cäänö, ni thäŋ yïth jiyi.

Luk 7:9

'Ba na ö Jecu na wïny luum ŋatøgø, yie arëëm, ni løø ree baŋ lwaa cäädhö køøre, ni kööe, na «A cäänna uuni, ni këël dï jø Icriel, teeŋ ŋäädhe ma enøgønø poot kära joodø.»