Mathiew 8:20 - Wëël Jwøk

²⁰ 'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Mathiew 8:20 Iomraidhean Croise

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Mathiew 12:32

'Ba ŋato wäro cäänni ki luubö mo raac dëër Wär Dhaanhø, eno wëën Jwøki. 'Ba ŋat wäro cäänni ki luubö mo raac dëër Jwïëc Jwøk na en kur keere, eni ba wëën Jwøki yi pinyi en wala yi mano ööi.

Mathiew 12:40

Kiper Wär Dhaanhø ojïti ki nïne adäk ki wärre adäk piny, kaawat mana ö Joona na bëëde yi rëëö ki nïne adäk ki wärre adäk.

Mathiew 12:8

Kiper Wär Dhaanhø beeye Kwääy cäŋ jwömö.»

Mathiew 13:37

Ni dwøk gø jïge ni kööe, ni «Ŋata jør köödhi moa näk wøpe beeye Wär Dhaanhø.

Mathiew 16:13

'Ba kanya ö Jecu dï mïëc Cecaria Pilipay, bääge apëënynye, ni «?Jiy wø köge ni Wär Dhaanhø aŋa?»

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 17:9

'Ba kanya duuge piny ki bäät kïdi, gena kööm Jecu ni kööe, ni «Kär dee ŋat caannu gïna jootu en jïgø, këël mano tïŋ Wär Dhaanhø maal ki yi thøø.»

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Luk 12:8

«'Ba a cäänna uuni, ni jøw bëët mo wø jïëc aani nyïm jiy, ojïëa thuwø, a na Wär Dhaanhø, nyïm nyïïatwiet maal mo Jwøk.

Luk 18:8

A cäänna uuni, ge laare ka ŋunnö. ?'Ba, kanyo ö Wär Dhaanhe, da ŋäädhe mo joode joodø bäät piny?»

Luk 2:12

'Ba man otïmö na nyuudhi jïïu. Nyilaal ojootu no orïëbö ka abïïe no opïël yi pöö.»

Luk 2:16

Ni cige ni ge rwäänhnhö, ni jootge Meeri ki Jocep, ki nyilaal no opïël yi pöö.

Luk 2:7

Ni lwaare ki kanynye ma nyilaal ma dïcwøø, ni rïëp gø ka abïïe ni pïël gø yi pöö, kiper na tïme ni bäŋ kany mo rømge yie yi øt wëëlle.

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Luk 8:3

ki Jöwaana cï Cudha, ŋata tïny Eerat, ki Cucana, ki mään møøk mo thööth. Mään moøgø wø känna wøk ri japge ni kønyge Jecu ki bääge ki ge.

Luk 9:58

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Jøøn 1:51

Ni cäŋ Jecu köö jïgø, na «Adïëri møn a cäänna uuni, uuni, maal oneennu ni ree ee jabø, ni nyïïatwiet maal mo Jwøk cøøa maal ni ööa piny bäät Wär Dhaanhø.»

Jøøn 12:34

'Ba aløk lwaaki jïre, na «Awïnywa ri ciik Jwøk ni Krictø doo bëëdö na bäre bäre. ?Aŋø na caanï gø, ni Wär Dhaanhø doo tïŋa maal? ?Wär Dhaanhnhøgø aŋa?»

Jøøn 13:31

'Ba na nø aa Juudac wøk, Jecu aköö, ni «Kawaane, ajiem Wär Dhaanhø aci kare, ni ö Jwøki ni jïte ka ajiem ki ree.

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 3:14

'Ba Wär Dhaanhø ŋaaba maal kaawat mana ö Modhe na ŋaap thwöl maal dï paap,

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 6:53

Kiper manøgønø, Jecu aköö jïge, na «Adïëri møn a caana gø jïïu, ni näk dëër Wär Dhaanhø ba cammu, ni maathu remme, bäŋ kwøw dëëtu.

Jøøn 6:62

?A dee tïmö nidïï nø ni näk mo Wär Dhaanhø neennu neenø ni cøøa maal kuna kwøŋ öö ki yie dïkwøŋ?

Moa Tïïc Nyïïatwieli 7:56

Ni kööe, ni «Neennu, maal ajooda ni ree ee jabø, ni Wär Dhaanhø cuŋŋa bäät cwïï Jwøk»

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.