Mathiew 8:11 - Wëël Jwøk

¹¹ A cäänna uuni, ni jiy mo thööth oööi ki jï løø kur tuul-cäŋ ki jï løø kur pänh-cäŋ, ni pïge piny lak cam ki Eeberam, ki Aydhak, ki Jeekap yi buya käl maal;

Mathiew 8:11 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 21:41

Ni dwøkge gø jïre, ni «Jø puur moøgø ni reyø yøø, nääe nääö ki 'näk mo raac døc, ni cïp pwöthögø ceŋ jø puur møøk mo cïpö jïre ki nyïïomøki kany wø ciekge yie.»

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 8:10

'Ba kanya ö Jecu na wïny mare, yie arëëm, ni kööe jï jøøa cäädhö køøre, na «Adïëri møn, a cäänna uuni, ni teeŋ ŋäädhe ma enøgønø poot kära joodø, këël dï jø Icriel.

Luk 12:37

'Ba laaŋe mo wø nwän kwäärö marge ni ge nëënö kany wø ööe, gwïëth oen bäätge. Adïëri møn a caana gø jïïu, dëëre okïthe ka abïï tïïc, ni wëëk ge pïïn kar cam ni tïny geni.

Luk 16:22

Kanyøgø ŋata can athøw, ni kääri ya nyïïatwiet maalli ni kïthge gø köör Eeberam. Køøre ŋata no okwär athøw thuwø, ni koonyi.

Moa Tïïc Nyïïatwieli 10:45

Ni ö jøøa näk ojïëy dï jøøa näk odaŋø na öö ki Piter na aciel, ni thäŋ yïthge kiper na wëëk Jwïëc Jwøk na en kur keere juurre thuwø.

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 14:27

'Ba na pïïcge, acooŋ Jwøk bäre acooŋge kanya ciel, ni køpge gïïa tïïc Jwøki ki rege, ki kanya jap øtjöör ŋäädhe jï juurre.

1 Körin 15:20

'Ba ka adïëri møn Krictø atïŋ maal ki yi thøø, ni beeye ŋata bwödhö ki duun wøk ki yi thøø dï jøøa näk othøw.

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.

2 Thecalönika 1:5

'Ba manøgø nyootha gø ni ŋøl mar Jwøk beeye adïëri, nou tïmu ni uuno rømø ki buc Jwøk, ni beeye ni jwørru gïïögø kipere.

Mana Nyooth 7:6

Ki ri tuuŋ Acer, da kume apaar kurriiø. Ki ri tuuŋ Naptali, da kume apaar kurriiø. Ki ri tuuŋ Maneeca, da kume apaar kurriiø.