Mathiew 7:21 - Wëël Jwøk

²¹ «Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Mathiew 7:21 Iomraidhean Croise

Mathiew 12:50

Kiper ŋat wäro tïïc mana many Wära ni en maal, beeye coka ni näk mera.»

Mathiew 16:17

Ni dwøgi ya Jecu jïre, ni «Ïïna gwïëth, Cayman o Joona. Kiper paa dhaanhø na nyooth luummögø jïrï, 'ba beeye Wära ni en maal na nyooth gø jïrï.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:19

A cäŋa u cäännö, ni näk mo jiy ariiø dïïu cwïnyge ege dwalø pinyi en kiper gïn mo pëënyge pëënynyö, Wära ni en maal gïnöca tïïe tïïö jïge.

Mathiew 18:3

Ni kööe, na «Adïëri møn, a caana gø jïïu, ni näk cwïnynyu ba løgu ni tïmu kaamar obwöre, u ba døny yi buya käl maal na bäre bäre.

Mathiew 18:35

«Kaawat manøgø, ni näk mo nyïïmëëgu ba wëënnu ni käla yïth cwïnynyu, Wära ni en maal teeŋ gïnögø otïïe dëëtu na enøgønø thuwø.»

Mathiew 19:24

Naa cäŋa u cäännö, ni jööta eni jï athïrööl ki man dønye ki waŋ lïlmu ki man ö ŋat mo okwärri ni døny buc Jwøk.»

Mathiew 25:10

«'Ba kanya cige kuna ŋëëwge, ŋat nywöm aöö. Ni ci jøøa näk rege ege jiiø kar cam nywöm ki eni na aciel. Ni cïëk dhi øtø.

Mathiew 25:21

«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Maak 3:35

Ni ŋat wäro tïïc mana many Jwøki beeye coka ni näk mera.»

Maak 9:47

'Ba nee waŋï beeye wø wëëk ïïni bääyö, göön wøk. Kiper beerra eni jïrï ki man ciï yi buc Jwøk ki waŋ aciel, ki mana di ï leeŋ yi maac kar ajäla ki nyeŋŋï riet,

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Luk 18:25

Ka adïëri møn, doo jööta eni jï athïrööl ki man dønye ki waŋ lïlmu ki man ö ŋat mo okwärri ni døny buc Jwøk.»

Luk 6:46

«?Aŋø ni wø cøøru aani, ni ‹Kwäärö, Kwäärö,› ni ba tïïyu gïï wø caana jïïu?

Jøøn 14:7

Onää a ŋäyu, Wära dou ŋääö thuwø. 'Ba køør man ennø, tïme ni ŋäyu, ni you nø neen.»

Jøøn 15:23

'Ba ŋat wø män ki aani, män ka Wära thuwø.

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 5:17

'Ba aløk Jecu jïge, ni «Wära poot tïïö, ni pooda naa tïïö thuwø.»

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Epeca 6:6

Ni ba tïïyu kaper na mïëre ki nyeŋ jiy nou døøya yïth jiy mo met. 'Ba tïïyu ni uuna laak Krictø, nou tïïya mana many Jwøki ki cwïnynyu bäre,

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 4:3

Ni beeye mana many Jwøki nou tïmu nou ena kur keeru, nou tïmu ni karu bäär ki käp,

1 Thecalönika 5:18

Ni dwøgu met ec ki yïth jammi bëët. Kiper beeye mana many Jwøki jïïu ki ri Krictø Jecu.

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

Ibaru 4:6

'Ba kiper mana tïme ni da jiy mo poot dønynya kar jwömö manøgø, ni kääŋ jøøa kwøŋ luumma nyään na met wïnynyö ki man dønyge yie, kiper mana teek wïthge,

Jeemeth 1:22

'Ba bëëdu ni uuna jø wø tïïc luum Jwøk, ni ba tïmu nou wïnynya luubö keere nou cøøga dëëtu.

1 Piter 2:15

Kiper beeye mana many Jwøki ni døøyu jøøa bäŋ wïdhi na näk bäŋ gïn mo ŋäcge mo lïŋö ki køør tïïe moa beyø ni wø tïïyu.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.

Mana Nyooth 2:27

keda mana ö Wära na wëëk a teek thuwø.» « ‹Ni ö eni ni dïïm geni ka athøny nywïënyö, ni pööt geni ni keeth ge na thäŋi keda thäk dak mo ogøø piny,›

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.