Mathiew 7:2 - Wëël Jwøk

² Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Mathiew 7:2 Iomraidhean Croise

2 Camiel 21:5

Kanyøgønø, gena köö jï nyeya, ni «Ŋata many waani nee wa thööre na dïïr wïthwa, nee bäŋe dhaanhø mo dööŋ ni kwøw røkwa dï Icriel,

Bwøth Wøk 21:24

ni waŋ cool ka waŋ, ni lëëö cool ka lëëö, ni cenø cool ka cenø, ni tielø cool ka tielø,

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Obadiya 1:15

«'Ba cäŋ mar Wuuö Jwøk kiper wïth juurre bëët kare cään; gïïa tïïyu dï tïïö dëëtu; ni tïïe moa tïïyu dwøga wïthu.

Mathiew 6:14

«'Ba ni näk moa bac jiyi weyu wiiø, Wääu ni en maal thuwø moa bayu wiie wiiø.

Maak 4:24

Ni cäŋ köö jïge, ni «Cegu ïthu døøc ki gïn wïnynyu en. Rumi man wø cïpu, beeye rumi mano duu baŋu, ni moo cïp jïïu ocäŋ meetø.

Luk 6:38

Muu, 'ba ocäŋ mëëk uuni, ni cïp ka rumi mo othielø no oŋenø, ni øya piny, ni kïthi yïth aleeŋŋe mou. Kiper rumi man wø cïpu beeye rumi mano duu baŋu.»

2 Körin 9:6

'Ba tiere beeye en, ŋat wø pïïdhö ni cere ee noogø, ociek jïre thuwø no onoogø. 'Ba ŋat wø pïïdhö ni ee møgø, ociek jïre thuwø no omøgø.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Pïëmme 1:7

Ni ö Adöni-Bëdhëk ni kööe, ni «Nyeye ma pïërabïriiø mo lweet ceŋge moa døøŋŋø ki lweet tietge moa døøŋŋø oŋøørø, ge wø kwänyö ki caammi moa no odhäthö tier tharabëëta mara; 'ba ki køør gïna tïïa dëëtge, Jwøk teeŋ gïnögø acoole dëëra thuwø ennø.» 'Ba Adöni-Bëdhëk aputge käl Jerucalem ni thøø kaace.

Pïëmme 5:27

Ni ö Cicara ni put päth tiet Jaël no onibaŋŋa, kare møn, ena put päth tiet Jaël no onibaŋŋa; 'ba kanya päth yie no onibaŋŋa, aput thøø kaace na bäre bäre.

1 Camiel 15:33

'Ba Camiel aköö, ni «Kaawat mana ö opëëllö marï na tïïc mään ni bäŋ obwöre, meru thuwø dööŋ ni bäŋ nyilaal jïre dï mään bëët.» Ni ö Camielli ni put Agaak ŋørø na thäŋi Gëlgela nyïm Wuuö Jwøk.