Mathiew 7:15 - Wëël Jwøk

¹⁵ «Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Mathiew 7:15 Iomraidhean Croise

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

Jeremaya 29:21

Luumma caan Wuuö Jwøki, Jwø Icriel, eni na wïth jammi bëët, kiper Akap o Kölaya ki Cëdëkiya o Maycëya, jøøa køp luup tööt jïïu ki nyeŋŋa, beeye en: Ka adïëri møn, aani, ge 'cïba cer Nabukedenecör nyeny Babiløn, ni ö eni ni 'näk geni ni nëënö jïïu ki nyeŋŋu.

Jeremaya 29:32

Kiper manøgønø, mana ŋøla, a na Wuuö Jwøk, beeye ni Cemaya nyï Nëyëlam ki nyïïkwaaye bëët ge jääla jäälö; eni bäŋ nyikwaare mo bëëdö ni kwøw dï jiy moi, ni eni gïïö beyø noo tïïa kiper jiya ba neene ki waŋe, kiper jiy apwönynye nee gëëmge ki Wuuö Jwøk.› Luummögø caana Wuuö Jwøki.»

Edhikiel 13:16

ni beege jø Icriel moa tïïc rege na nyïïkuk Jwøk, mo wø cään Jerucalem ni wø köö ni da jammi mo onyoodhø jïge ni paac beer jaak, këël na bëëde ni bëët paac raac.» Luummögø caana Wuuö Jwøki.›

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Daniel 11:34

'Ba kanyo bëëtge ni ge thøwø, ge na jic Jwøk ge jïtö ki køny mo thiinh, ni ö jiyi mo thööth ni dwätge ki geni ki dhøk mo pøøth.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Dhekaraya 13:4

«'Ba dïcäŋöca, nyikuŋ Jwøk man nø mana näk patha adïëri wïïe olääy ki køør luup tööt moe na care, ni ba ruye ka abïïna näk cwääc ka jïër ni wø käär nyïïkuk Jwøki, kaa mana wara røc gø ni maaŋŋa wïth jiy ki gø.

Mathiew 10:17

Gwøgu rou ki jiy. Kiper uuno kïthge kwör løøe, ni pöötge uuni yïth uut acook lam moge.

Mathiew 16:11

?Aŋø, tiere ba kwanynyu gø aperŋø, man näk mo aani, a ba cäänö kaper møø? 'Ba ennø, gwøgu rou ki thømmø mar jø Paricith ki jø Cajucith.»

Mathiew 16:6

'Ba Jecu aköö jïge, ni «Japu nyeŋŋu ni gwøgu rou ki thøm jø Paricith ki jø Cajucith.»

Mathiew 24:11

'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Mathiew 7:14

'Ba dhi kiir man wø bwöth kar kwøw diiny, ni jööre teek, ni jø wø joot gø nøk.

Luk 12:15

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 6:26

Otïmö ni raac jïïu, kanyo ö jiyi noo pwøcge uuni, kiper manøgø beeye gïna tïïc kwäcge røk nyïïkuk Jwøk moa näk patha adïëri thuwø.

Jøøn 10:12

'Ba ŋat mo tïïö ka jammi ni paa dïkwääy ni dïëk paa moe, kany wø joot kwac ni öö, dïëk wø wiie wiiø ni reeŋe. Ni ö kwaci ni maaŋ dïëk ni keeth geni.

Moa Tïïc Nyïïatwieli 13:40

Kiper manøgønø, gwøgu rou, kiper nee bäŋe ya gïn mo ö bäätu dëët moa caan nyïïkuk Jwøki, na køp,

Moa Tïïc Nyïïatwieli 13:6

'Ba na nø caathge dï acuullögø bäre ni pööthge Peepa, gena røømmø ki nyen mør ma ajwøa, ma nyï Juuth ma nyikuŋ Jwøk mo patha adïëri, mo nyeŋŋe Bar-Jecu.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Pilipay 3:2

Gwøgu rou kiper guu, ni gwøgu rou ki jø wø tïïc raay, ni gwøgu rou ki jø wø pöö ki pwöc mo patha adïëri kiper luum daŋ.

Köløcia 2:8

Gwøgu rou, nee bäŋe ya ŋat mo tïïc uuni na laaŋe ki køør luum acaare mo jiy, ki man maaŋ wïthu ki luup mo oballe jaak, keda luup kwäre ni wø caan jiyi, ki juu mo bäät piny, ni paa moa näk mo Krictø.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

2 Timöthi 4:3

Kiper da kany mo öö, kanyo ö jiyi noo ba manyge pwöc ma adïëri, 'ba dëëtge omäänyge ki dïpööye moo caan gïïo mïn yïthge ki ge, kiper ïthge na jel ki man wïnyge luup mo ŋweeth.

2 Piter 3:17

Kiper manøgønø, omëëya, na tïme ni gïn ŋäyu kany poode en, gwøgu røgu, kiper nee wïthu ba maaŋ cwøk jø wø bääö, ni tïmu nou dääŋö.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Mana Nyooth 16:13

Ni neena juu adäk mo reyø døc mo ge caala ogwäle, ni ge ööa wøk ki dhi thwöra caal nyaaŋ ki dhi Lääy, ki dhi nyikuŋ jwøk mana näk patha adïëri.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.