Mathiew 7:13 - Wëël Jwøk

¹³ «Dønyu ki dhi kiir mana diiny. Kiper dhi kiir man wø bwöth kar ränynyö päl, ni jööre laac, ni jø wø cii ki yie thööth.

Mathiew 7:13 Iomraidhean Croise

Wïlöölö 6:12

Ni ö Jwøki ni neen bäät piny, ni joot gø ni päŋ ki raay; kiper jiy bëët jöör bëëtö marge ege raanynyø bäät piny.

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Pwöc Leec Wïc 16:25

Da jöö mo wø nëënö ni mïërö jï dhaanhø, 'ba aŋuunne coonya baŋ thøø.

Pwöc Leec Wïc 7:27

Øt dhaaŋŋøgø beeye jöör kar bëët jwïëc jøøa no othøw, ni wø løøya kwör thuunhnhi.

Pwöc Leec Wïc 9:6

Wec bëët thïnh acaara, niï bëëdï niï kwøw, ni cäädhï øtjöör ŋäc tiet luup.»

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 3:8

'Ba ennø, bëëdu ki bëëtö man wø rømi ki løk cwïny,

Mathiew 7:14

'Ba dhi kiir man wø bwöth kar kwøw diiny, ni jööre teek, ni jø wø joot gø nøk.

Luk 14:33

Kiper manøgø nø, ŋato wäro en dïïu noo ba taak japa en jïre bëët, ba maar tïmö na bääŋa.

Luk 9:33

'Ba kanya tïme ni jøøgø aay buute, Piter aköö jï Jecu, ni «Dïpööy, beer døc kiree na enø kany. Beerra man tïïwa ka abïle adäk, aciel kiperï, na aciel kiper Modhe, ni maya kiper Ilaaja.» 'Ba gïna caane tier gø kuue.

Jøøn 10:9

Aana dhi øtø. Noo dee ŋat mo dunynyi ki raa, eni di piemø. Ni eni dønya yie ni duu wøk cooth ni jïte ki pwöla mo yie da luum mo mar.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

2 Körin 6:17

«Kiper manøgønø, ocaan Wuuö Jwøki, ni ‹Ööu wøk dïge, ni pääu ki geni, ni bäŋe gïn mo gutu mo ba waany. Kanyøgø nø, uuno pänhnha.› »

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 20:3

ni leeŋ gø yi buur, ni cïëk gø ni mwön gø bääte, kiper nee mïëri ba cøøge këët këël kanyo thum cwiiyøgø na kuma enø. Køør manøgønø, eni di pädö ki kany mo thiinh.