Mathiew 7:12 - Wëël Jwøk

¹² Kiper manøgønø, gïn wäro manynyu nee tïïc jiyi jïïu, wär wø tïïyu jïge thuwø. Kiper manøgø beeye tier pwöc mana en yïth ciik Jwøk ki luup moa køp nyïïkuk Jwøki.

Mathiew 7:12 Iomraidhean Croise

Edhikiel 18:21

«'Ba ni näk da ŋat raay mo cwïnye ee løø yïth raay bëët moa näk ee bayø, ni gwøk luup 'moa, ni bëëde ni tïïya gïn ma adïëri ki gïn mo thïïŋ, ka adïëri møn, eni bëëdö ni kwøw; eni ba thøw.

Ciik Kiper Dïlämme 19:18

« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 5:17

«Kär nou caara gø naa ööa kuna raanynya ciik Jwøk ki luup moa køp nyïïkuk Jwøki. A ba ööi naa raanynya geni, 'ba a ööi naa wëëga ge thur karge.

Luk 6:31

'Ba gïn wäro manynyu nee tïïc jiyi jïïu, wär wø tïïyu jïge thuwø.

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.