Mathiew 6:9 - Wëël Jwøk

⁹ Kiper manøgønø, wäru wø lämu na ennønø, «ni ‹Wääwa ni en maal, nyeŋŋï wøør,

Mathiew 6:9 Iomraidhean Croise

2 Camiel 7:26

'Ba nyeŋŋï obëëdö ni dwøŋ na bäre bäre, ni kö jiyi, ni ‹Wuuö Jwøk, eni na wïth jammi bëët, beeye Jwøka eni mar jø Icriel›; 'ba a na dhaanhnhï ma Deebit en, put dhi øtø mara tïïc ni teek nyïmï.

1 Nyeye 8:43

beerra man wïnynyï gø kany wø bëëdï yie maalø, ni tïïyï gø ki køør gïïa pëënynye bëët, nee nyeŋŋï ŋäc jø bäät pinynyi bëët, niï lwäärge kaawat man wø tïïc jiyï ma jø Icriel, nee ŋäcge møn ni øtø man ni yaa geerø en, cwøla ri nyeŋŋï.

1 Luup Nyeye 17:24

'Ba nyeŋŋï obëëdö ni dwøŋ no okëët piny ni teek na bäre bäre, ni kö jiyi, ni ‹Wuuö Jwøk, eni na wïth jammi bëët, beeye Jwøka eni mar jø Icriel, ni beeye Jwø Icriel møn.› 'Ba a na dhaanhnhï ma Deebit en, put dhi øtø mara tïïc ni teek nyïmï.

2 Luup Nyeye 20:6

ni kööe, ni «Wui Wuuö Jwøk, Jwø kwäcwa, ?aŋø, ï patha Jwø wø en maal bäre? ?Patha ï wø käär bure bëët mo wïth juurre? Dööŋ kar ki teek ena cerï, ni bäŋ dhaanhø mo cuŋŋö nyïmï.

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 6:3

Kanyøgø dhøkge aløøŋge ni ge köö, «Wuuö Jwøk, eni na wïth jammi bëët, ena kur keere, ena kur keere, ena kur keere; ni piny bäre päŋ ka ajiem mare.»

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Edhikiel 36:23

Aani, ajiem mar nyeŋŋa na dwøŋ na en kur keere na päät dï wïth juurre nyoodha nyoodhø, ni beeye nyeŋŋa na päätu dïge. Køøre nø, ŋäc wïth juurre ŋääö ni bee aani na Wuuö Jwøk, kanyo nyoodha bëëtö mara na en kur keere ki rou ni nëënö jïge. Luummögø caana aani, a na Kwäärö Wuuö Jwøk.

Edhikiel 38:23

Køøre nø, aani, dööŋö mara, ki bëëtö mara na en kur keere, nyoodha nyoodhø jïge, ni tïïa dëëra naa ŋäc nyïm wïth juurre mo thööth. Køøre nø, putge ka ŋäc ni bee aani na Wuuö Jwøk.›

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Dhekaraya 14:9

'Ba Wuuö Jwøk otïmö na nyeya kiper bäät piny bäre. Dïcäŋöca Wuuö Jwøk otïmö ni bee Jwøka eni keere, ni nyeŋŋe bee eni keere.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 10:29

?Aŋø, acøki ariiø bäŋ wø ŋeew ka thariipa? Ni bäŋ aciel dïge mo päth piny ni näk ba kö Wääu ni en maal.

Mathiew 23:9

Ni bäŋe ŋat cwøllu ni wääu bäät piny. Kiper jïïu da Wääu aciel mo ena maal.

Mathiew 26:29

'Ba a cäänna uuni, naa ba mäthi ki pï nyïïomøki këët, këël kanyo cäŋa gø maathø yie ni nyään ki uuni yi buc Wära.»

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Mathiew 6:14

«'Ba ni näk moa bac jiyi weyu wiiø, Wääu ni en maal thuwø moa bayu wiie wiiø.

Mathiew 6:6

'Ba kanyo wäro lämï, ci yi ødï ni cïëgï odhuulu bäätï ni lämï jï Wäru ni en maal ni wø ba neen. 'Ba Wäru ni en maal, ni wø neet gïn mo kuc, ïïno ŋade.

Mathiew 7:11

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

Luk 15:18

Aani, a aay ni cøøa baŋ wära, ni caana gø jïre, na «Awuuö, aana bääyö nyïm Jwøk ki nyïmï.

Luk 15:21

'Ba wäädö aput köö jïgø, na ‹Awuuö, aana bääyö nyïm Jwøk ki nyïmï. A ba rømi ki man cwøl aani ni aana wäädï këët.›

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Galeecia 1:1

Aana Pøøl na nyïïatwiel, ni twiel mara ba jooda baŋ jiy ni ba wïnynya baŋ dhaanhø, 'ba jooda baŋ Jecu Krictø, ki Jwøk na näk Wuuö, na tïŋ gø maal ki yi thøø.

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

1 Piter 1:17

'Ba ni näk eni na Jwøk, ni wø ŋøl luum ŋati man nø keda moa tïïe ni wø bäŋ ŋat mo jeenye, you cwølø ni Wuuö, bëëdu nou lwäär cooth kany poodu pinyi en.

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 5:12

mo köö ki dwøl mo päl, ni «Røma Nyidiel na 'näk, ki man wëëk teek eni, ki kwär, ki leec wïc, ki dööŋ-kar, ki wödö, ka ajiem, ki pwøc.»