Mathiew 6:33 - Wëël Jwøk

³³ 'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Mathiew 6:33 Iomraidhean Croise

1 Nyeye 17:13

'Ba Ilaaja aköö jïre, ni «Kärï lwäyö. Ciï ni tïïyï gø kaawat mana caanï. 'Ba wärï kwøŋ tëëdö dëëre jïra ki dääpö mo thiinh ni kälï gø baŋa. Køøre nø, ïïno tëëdö kiperï ki wäädï.

Pwöc Leec Wïc 10:3

Wuuö Jwøk jøøa marge beer ba wëëk käc, 'ba par mar jø raay wø di raanynyø.

Pwöc Leec Wïc 28:10

Ŋat wø bwøth jøøa marge thïïŋ nee gaage wøk jöör raay, pätha yi buur mare keere; 'ba jø wø bëëtö marge thïïŋ, gïn mo beer odööŋ jïge.

Pwöc Leec Wïc 8:18

Bëët jap kwärö ki wödö ena baŋa, ni ö bëët kwärö manøgø ki bëënynyö ni bëëtge na bäre bäre.

Luup Dïpööy 10:2

Dhaanhø mo wïïe leer, wø bwøth cwïnye baŋ tïïe moa beyø, ni ö dhaanhø mo wïïe bäŋ acaara ni bwødhi ya cwïnye baŋ tïïe moa reyø.

Aydheea 26:9

Cwïnya bëëdö ni lääŋŋa ïïni ki wärre bëët, ni ö jwïëya ni bëëde ni manynya ïïni døc. Kiper ŋøl marï na näk adïëri kanyo ö bäät piny, jø bäät piny ge kwänynyö ki bëët adïëri.

Aydheea 33:6

Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Mathiew 19:29

'Ba jiy bëët moa näk mïëri moge ege wiiø, wala nyïïmëëkge, wala wëëkge, wala mëëkge, wala nyïïge, wala pwöth moge, kiper nyeŋŋa, geno jïti ki møøk mo thööth døc mo kaala geni, ni ci kwøwi mana näk adïëri mo bäŋ cuŋŋe jïge.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 4:17

Kar kaagønø, beeye kanya täk Jecu ki køp luum Jwøk, ni cäänö, ni «Løgu cwïnynyu, kiper buya käl maal kare acäännö.»

Mathiew 5:6

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Luk 12:31

'Ba beerra man manynyu bura mare. Køøre nø, gïïögø bëët owëëk uuni thuwø.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Moa Tïïc Nyïïatwieli 20:25

«'Ba kawaane, neennu, ŋääa ni uuni bëët, u na dïïu caadha naa køpa luum buc Jwøk, waŋa ba jootu këët.

Moa Tïïc Nyïïatwieli 28:31

Ni køp gïr buc Jwøk, ni pööe ki luum Kwäärö ma Jecu Krictø ni wïnyö jaak ni bäŋ ŋat mo omän gø.

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

1 Körin 3:22

nee Pøøl, wala Apøla, wala Ciipa, wala piny, wala kwøw, wala thøø, wala bëëti en, wala mano en nyïm, gïïögø bëët mou.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

2 Thecalönika 1:5

'Ba manøgø nyootha gø ni ŋøl mar Jwøk beeye adïëri, nou tïmu ni uuno rømø ki buc Jwøk, ni beeye ni jwørru gïïögø kipere.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.