Mathiew 6:25 - Wëël Jwøk

²⁵ «Kiper manøgønø, a cäänna uuni, ni kär dee gïn lääŋŋu kiper jwïëyu, ki gïïo cammu, wala gïïo maathu, wala gïïo røøu dëëtu. ?Aŋø, ba letha per jwïëy ki cam, ni leth per dëëlli ka abïïe?

Mathiew 6:25 Iomraidhean Croise

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Mathiew 10:19

'Ba kany wäro kïthge uuni kwör løøe, kär dee gïn lääŋŋu kiper gïno caannu wala uuno cäänu nidïï. Kiper gïno caannu ocïp jïïu yi caannøca.

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 6:31

Kiper manøgønø, kär dee gïn lääŋŋu, nou köö, na ‹?Agïnaŋø noo camø?› Nou köö, na ‹?Agïnaŋø noo maadhø?› Nou köö, na ‹?Agïnaŋø noo røø dëëtø?›

Mathiew 6:34

«Kiper manøgønø, kär dee gïn lääŋŋu kiper diøø. Kiper diøø dëëre olääŋŋe keere. Cäŋ man nø da moe.

Maak 13:11

'Ba kanyo makge uuni ni kïthge uuni kar løøk, kär dee gïn lääŋŋu kiper gïno caannu. 'Ba wäru caannu gïno wëëk u kanyøca, kiper paa uuni noo cäänö, 'ba beeye Jwïëc Jwøk na en kur keere.

Maak 4:19

'ba jap piny ni wø lääŋŋi, ki mëëc kwär, ki many jammi møga wø cøøa yie, ni bøøcge luubö, ni ba jïtge ki nyeŋ.

Luk 12:11

'Ba kanyo kïthge uuni baŋ løøk yïth uut acook lam ki nyïm kwääri ki nyïm jøøa näk ocuumö, kär dee gïn lääŋŋu kiper gïno løgu wala gïno caannu.

Luk 8:14

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

1 Körin 7:32

A manynya uuni nou bëëdö ni bäŋ gïï mo lääŋŋu ki cwïnynyu. Ŋat mo kär nyöömmö lääŋŋa gïï Wuuö, ki man tïïc gïï wø met yi Wuuö ki geni.

Pilipay 4:6

Kär dee gïn lääŋŋu ki cwïnynyu, 'ba ki yïth jammi bëët, gïn wäro manynyu wäru pëënynyu ki Jwøk nou lämö, nou kwaya eni, nou dwøga met ec baŋe.

2 Timöthi 2:4

Kiper ŋat leny wïïe bäŋ wø maaŋŋe ki tïïe møøk, kiper mano këël wïïe ri tïï ŋata kïth gø yi tïïc ni døøya yi gø mo met.

1 Piter 5:7

Cïbu gïï wø pär cwïnynyu ki geni cere, kiper eni lääŋŋa uuni.