Mathiew 6:24 - Wëël Jwøk

²⁴ «Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Mathiew 6:24 Iomraidhean Croise

Wïlöölö 47:17

Køøre geni lääc paac moge akälge baŋ Jocep, ni ö Jocepi ni mooc geni ki cam na kar okwëënyi moge, ki dïëk moge, ki dhäk moge, ka arëëni moge. Ni ö eni ni mooc geni ki cam na kar lääy moge bëët ki yi cwiinøgø.

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

2 Nyeye 17:41

'Ba këël na bëët wïth juurre moøgø ni Wuuö Jwøk wøørge wøørø, ge poot bëëdö ni ge tïnynya juu moge, këël mana këët ri wäätge ki nyïïkwaacge, këël dïcäŋi en.

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Luk 16:11

?'Ba ni näk mo u kär ŋäädhö ri jap kwärö mo bäät piny, aŋa noo wëëk u jap kwärö moa näk adïëri?

Luk 16:13

Bäŋ ŋat tïïc mo doo tïny kwääri ariiø. Kiper eni løny ki man männe ka aciel ni mëëre ki maya, wala cwïnye wëëge aciel ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.»

Luk 16:9

'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Galeecia 1:10

?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

2 Timöthi 4:10

Kiper Diima aana wiie ni aae, kiper mana mëëre ki piny man en, ni ci Thecalönika. 'Ba Karecen aci Galeecia, ni ö Tayta ni ci Dalmacia.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»