Mathiew 6:2 - Wëël Jwøk

² «Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:2 Iomraidhean Croise

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 20:6

Jiy mo thööth wø köö ni ge mëër ki jiy ki mëër mo ba jøøl, ?'ba aŋa no jïti ki ŋat mo oŋäädhö?

Luup Dïpööy 11:2

Pääŋ jammi moï ki kwöre abïriiø wala kwöre abära, kiper gïn mo raac mo løny ki man täge bäät piny kuyï.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Odheea 8:1

'Ba Wuuö Jwøk aköö, ni «Jek riï ki man koothï tuuŋ! Nyimän aöö kaamar coor nee tïïe ki gïn mo raac dëër ŋöömö mara, a na Wuuö Jwøk, kiper jø Icriel, luumma tuuda ki kwäcge akwierge, ni gëëmge ki ciik 'moa.

Mathiew 15:7

U jø atade, gïru acaan Aydheea na kare na kööe,

Mathiew 16:3

'Ba ni näk ma amöölla u wø köö, ni ‹Piny jïtö ka atuunna dïcäŋi, kiper maal kwaar ni da pöölö mo odhïŋ.› 'Ba uuni, bëët maal wø laaru ka ŋec, 'ba tiet ŋïïce mo nïri ii ba ŋeyu.

Mathiew 22:18

'Ba Jecu kanya ŋäc rääö marge, ena köö, na «?Aŋø ni päänynyu aani, u jø atade?

Mathiew 23:5

Ni tïïe moge bëët wø tïïcge kaper nee neen jiyi. Kiper opïri moge mo wø twöö dëël na näk tiet weet Jwøk okwøø yïthge wø tïïcge tïïö ni døøŋŋø, ni tïïcge okuri mo waare mo wø twöö ceŋ aleeŋŋe moge ni thøøthge bäyö døc,

Mathiew 23:6

ni yïthge met ka kwör mo ge di wøørø yïthge kwör caammi, ni yïthge met ki kwör bëëte moa beyø geni yïth uut acook lam,

Mathiew 24:51

ni pwöt gø ki pöödö mo teek døc, ni kïth gø dï jø atade, kany wø jwöŋ jiyi yie ni ge mööta lakge.

Mathiew 5:18

Kiper adïëri møn, a cäänna uuni, ni këël kanyo räny maalli ki piny, thääŋ piil ciik Jwøk mo thiinh ba doo rwäänyö, këël mano thur jammi moa wäŋŋi bëët karge.

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:3

'Ba kanyo wäro cïpï ki jammi jï jøøa can, kär niï wëëga cer caamï ŋäc gïno tïïc cer cwïïï,

Mathiew 6:5

«Ni kanyo wäro lämu, käru tïmö nou caala jø atade. Kiper yïthge met ki lam ni ge cuŋŋö uut acook lam ka agääk jïëthe, kiper nee ge neen jiyi. Adïëri møn a caana gø jïïu, ni gïna doo ci jïge, anø jootge.

Mathiew 7:5

Ï na ŋat atade, kwøŋ cuunhnho en waŋï enø käl wøk; køøre nø, ïïno nëënö ni beer nee ŋöömö manø ni en waŋ cöögu enø kälï wøk.

Maak 12:39

ni wø yïthge met ki bëëtö kwör bëëte moa beyø geni yïth uut acook lam, ki kwör ajieme kwör caammi,

Maak 7:6

Ni köö Jecu jïge, na «Gïru acaan Aydheea na kare, u na jø atade, kaa mana gööri, «ni ‹Jøøi ii a wø wøørge ka lëëpge, 'ba cwïnyge karge bäär ki aani.

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 11:43

Otïmö ni raac jïïu, u jø Paricith, kiper yïthu wø met ki kwör bëëte moa beyø geni yïth uut acook lam, nou manynya man määth uuni kwör gath.

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 12:56

U na jø atade! Bëët pinyi en, ki bëët maal wø laaru ka ŋec. ?'Ba aŋø nø ni ba ŋäyu man ŋeyu tiet nïri ii?

Luk 13:15

'Ba adwøk Kwäärö jïgø, ni «?U na jø atade, aŋø, da dhaanhø dïïu mo dhere wala arëëne bäŋ wø gøønye ki cäŋ jwömö ni køøl gø baŋ maath pïï?

Luk 20:46

ni «Gwøgu røgu ki dïpööye mo ciik Jwøk, jø wø yïthge met ki käär abïïe mo beyø, ni yïthge met ki määth yïth kwör gath, ni wø many kwör bëëte moa beyø geni yïth uut acook lam, ki kwör ajieme kwör caammi,

Luk 6:24

«'Ba otïmö ni raac jïïu, u no okwär ennø, kiper gïï wø mïn yïthu ki ge anø wëëk u.

Luk 6:42

?Na aŋø na diï köö ki cöögu, ni ‹Coka, ööï nee ŋöömmo en waŋï enø käla wøk,› ni ïïni ki dëërï cuudhö manø en waŋï enø kärï joodø? Ï na ŋat atade, kwøŋ cuunhnho en waŋï enø käl wøk, køøre ïïno nëënö ni beer nee ŋöömö manø en waŋ cöögu enø kälï wøk.

Jøøn 13:29

'Ba jø møøk acädö ni Jecu caana gø jïre, ni «Ci ŋëëwï ki gïï wø manynyi kiper ajwöm cam,» wala caana gø nee ci kuna cïpe ki gïrpiny jï jøøa can, kiper mana näk opïr gwel ena cere, e na Juudac.

Jøøn 5:41

'Ba ajiem mara ba jooda baŋ jiy.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Jøøn 7:18

Ŋat wø cäänö ki wïïe keere, wø cäänö kaper nee eni pwøc. 'Ba ŋat wø many Eni na jääŋ gøøni nee pwøc beeye na adïëri, ni eni bäŋ cwøk jïre.

Moa Tïïc Nyïïatwieli 10:2

Ena dhaanhø mo cwïnye ena køør Jwøk ni wø wøøra gø ki jø paare bëët, ni eni wø muuö ki jap cane jï jiy, ni eni wø bëëdö ni lama Jwøk cooth.

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

Moa Tïïc Nyïïatwieli 11:29

Ni ö bääŋi ni jïëcge ki man jääŋge jap køny jï nyïïmëëe moa en Judia, ni ŋati man nø cïpö kaawat mano en cere.

Moa Tïïc Nyïïatwieli 24:17

'Ba na nø thöödha ki cwiiri mo boop, aana öö naa käla jap cane jï jø powa, naa cïpa ko olämme thuwø.

Moa Tïïc Nyïïatwieli 9:36

'Ba da bääŋ aciel mo bëëdö Jøpa, mo nyeŋŋe Tabitha, na näk tiere beeye Dørka. Ena nyijø mo wø tïïya gïï mo beyø na ŋat køny.

Wëëlö Mana Göör Pøølli Baŋ Jø Röm 12:8

Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.

1 Körin 13:3

'Ba ni näk japa bëët yaa muuö, ni wëëga dëëra waaŋ, 'ba jïra bäŋ mëër, bäŋ gïn jooda.

Galeecia 2:10

'Ba beeye luubö aciel keere na caange jïwa, ni lääŋwa jøøa can. Ni beeye mana manynya ki cwïnya, nee tïïa.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

1 Thecalönika 2:6

Ni bäŋ pwøc mo ewa manynyø baŋ jiy, nee uuni wala jø møøk,

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

Piliman 1:7

Kiper aana jïtö ki met ec mo dwøŋ ki cøm cwïny ki køør mëër marï, coka. Kiper cwïny jø Jwøk amïnnö ki køørï.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

1 Camiel 15:30

Køøre Cøøl aköö, ni «Aana bääyö møn; 'ba ennø, a kwaya ïïni, tïïc aani naa wøør nyïm jø døøk powa, këël jø powa ma jø Icriel bëët, nøø aa ki ïïni na aciel, nee Wuuö Jwøk, Jwøk marï, nee wøøra.»