Mathiew 6:19 - Wëël Jwøk

¹⁹ «Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Mathiew 6:19 Iomraidhean Croise

Jööp 24:16

Kany wø tïme ni piny a muudhö, kuuwe uudi wø tøcge tøyø, ni kany wø tïme na dïcäŋ, dëëtge wø kange yïth uudi, ni geni bäŋ gïn manyge ri tar.

Jööp 31:24

«Doo na cwïnya bëëdö ni ŋäätha warkey, ni aano köö ni warkey mana tøŋ beeye kar gwøk røk mara;

Bwøth Wøk 22:2

«Ni näk mo kuu omaaø ni turö ki øtø, ni gøøi ni thøøe, doo bäŋ kwöre.

Pwöc Leec Wïc 11:4

Jap kwärö dhaanhø ba kønyge cäŋ ajäla, 'ba bëët bëënynyö dhaanhø wø käle wøk cer thøø.

Pwöc Leec Wïc 16:16

A teeŋ beer mo nyïëdi ki man joot leec wïc ni kaala warkey! Naa teeŋ beer mo nyïëdi ki man jier ŋäc tiet luup ni kaala gwel-bïrö!

Luup Dïpööy 2:26

Kiper ŋat mo bëëtö mare beer ki nyïm Jwøk, eni mooe mooø ki leec wïc, ki kwänynyö, ki met ec; 'ba ŋat ma ŋat raay tïïe tïïö nee jïte ki jammi ni cooŋ geni piny nee dööŋge jï ŋata bëëtö mare beer ki nyïm Jwøk. Manøgø thuwø poot na gïn mo bäŋ tiere ni caala man many jamø nee mak.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Mathiew 19:21

Ni kö Jecu jïgø, ni «Ni näk miï manynya man tïm bëëtö marï no othur kare ni beer bäre, ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra. Køøre nø, ïïno jïti ki jap kwär maal.»

Mathiew 6:20

'Ba kännu dëëtu ki jammi maalø, kanya näk yie bäŋ alweela ki nyal mo räänyö, ni bäŋ kuuwe mo turö ki uudi mo kwädö.

Luk 12:21

'Ba beeye enønø jï ŋat wø känö ki jammi kiper dëëre keere, ni patha okwär nyïm Jwøk.»

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 12:39

'Ba ŋäyu gïn, no onää wää øtø caa mano ö kuuwi yie ee ŋääö, eni øde ba dee wëëk toor.

Luk 18:22

'Ba Jecu na wïny gïnögø, aköö jïgø, ni «Gïrpiny aciel poot kärï tïïö. Dwøk gïïo en jïrï bëët pwödhö, ni pääŋŋï gwetge jï jøøa can, ni ööï ni cäädhï køøra. 'Ba ïïno jïti ki jap kwär maal.»

Luk 18:24

'Ba jïre aneen Jecu, ni kööe, ni «Døny buc Jwøk teee ki teek mo nyïëdi jï jøø no okwär yøø.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»