Mathiew 6:16 - Wëël Jwøk

¹⁶ «'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:16 Iomraidhean Croise

2 Camiel 12:16

Kanyøgønø, Deebit Jwøk akwaaye kiper täw nyilaal; 'ba Deebit aput kweer ki cam, ni but piny yïth ŋøøm jaak ki dïwäär bäre.

2 Camiel 12:21

Køøre jø tïïc moe aköö jïgø, «?Wui nyeya, a teeŋ gïnaŋø na tïïyï en? Kanya bëëde ni nyilaal poot kwøw, ïïna kweer ki cam ni jwöŋï; 'ba kanya thøw nyilaalli, ïïna ö maal ni cämï.»

1 Nyeye 21:27

'Ba kanya ö Akapi na wïny luupögø, abïï mare aput jeec ki pänh cwïny, ni røø keeca dëëre na abïï, ni bëëde ni eni wödö ni ba cämö, ni eni buuta yi keeca, ni put bëëtö ni cwïnye opädhö.

Neemiya 1:4

'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Milkiya 3:14

«Ni kööu, ni ‹Ki man tïny Jwøk beeye gïn mo bäŋ tiere.› Ni kööu thuwø, na ‹?Agïnaŋø na jootwa ki køør mana gwøkwa ciik moe, wala ki køør mana bëëtwa ni wa kïmmö nyïm Wuuö Jwøk, eni na wïth jammi bëët?

Mathiew 6:1

«Gwøgu rou nee tïïc mo beer ba tïïyu nyïm jiy kiper nee neenge. Kiper ni näk ma enøgønø, bäŋ gïn mo jootu baŋ Wääu ni en maal.

Mathiew 6:2

«Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:5

«Ni kanyo wäro lämu, käru tïmö nou caala jø atade. Kiper yïthge met ki lam ni ge cuŋŋö uut acook lam ka agääk jïëthe, kiper nee ge neen jiyi. Adïëri møn a caana gø jïïu, ni gïna doo ci jïge, anø jootge.

Maak 2:18

'Ba kanyøgøøni bääk Jøøn ki jø Paricith gena lämö ki lam-wödö. 'Ba jiy aöö ni köge jï Jecu, na «?Aŋø ni wø wöt bääk Jøønni ki bääk jø Paricith en, ni bäägï ba wödö?»

Luk 18:12

Kiper a wø wödö ki kwöre ariiø ki yi jwøk, naa cïpö ki paac wïth jammi na jëëthe røk gïï wø jooda bëët.›

Luk 2:37

Ni bëëde na cï thøø këël mana thöödhe ki cwiiri ma pïërabära kurŋween. Ni eni kär dak yi kal mar Øt Jwøk Mana Dwøŋ. 'Ba bëëdö ni lämö ni wödö, ni wøøra Jwøk ki wärre ki cääŋŋe.

Moa Tïïc Nyïïatwieli 10:30

Ni kö Körnilia, ni «Ki køør nïne aŋween moa pöödhö, teeŋ ka kar caanni ennø, naa lämö yi øda kar caae adäk ka abøøya, dhaanhø mør ajooda ni cuŋŋö nyïma ni dëëre da abïï mo tar,

Moa Tïïc Nyïïatwieli 14:23

'Ba na nø kwänyge ki jaae yïth acook Jwøk bëët ki køør lam ki wödö, gena wiige cer Wuuö, ŋata jïëcge ni ŋääthge.

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

2 Körin 11:27

Naa wø ööl ki tïïe mo teek yïth gïï mo leth, ni bäŋ niine ki wärre mo thööth, naa wø bëëdö ki käc ki riew, naa bäŋ wø jïti ki gïn cama ki kwör mo thööth, naa wø bëëdö yi köö ni bäŋ gïn rïëba bääta.

2 Körin 6:5

ki pöödö, ki tööyö, ki dïŋaŋ, ki öölö, ki bäŋ niine, ki bëët käc.