Mathiew 6:12 - Wëël Jwøk

¹² ni weyï moa bacwa, keda man wø wecwa mo wø bac jø møøki dëëtwa.

Mathiew 6:12 Iomraidhean Croise

1 Nyeye 8:30

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn, ni wëënnï waani.

1 Nyeye 8:34

beerra man wïnynyï gø ki maal, ni wëënnï raay mo jiyï ma jø Icriel, ni duuï ge yi ŋöömma cïpï jï kwäcge.

1 Nyeye 8:39

beerra man wïnynyï gø kany wø bëëdï yie maalø, ni wëënnï ŋati man nø, ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

1 Nyeye 8:50

ni wëënnï jiyï moa no obääyö dëërï, ni weyï gïïa näk ege baaø dëërï, ni tïïyï ge nee jøøa mak geni ki tøŋ mëërge ki geni,

Dut Pwøc 32:1

Bwøth Wøk 34:7

ni beeye wø gwøk mëëye ni wø ba jøøl kiper jiy ma kum kum, ni ŋat mo obääyö, ki ŋat adhala, ki ŋat mo otïïö ki gïï mo reyø di wëënnö; 'ba ŋat raay poot ba wiie ka ajäla, ni raay moa tïïc wëëe poot di coolø dëët obwöre moge ki nyïïkwaacge, këël mano pïïe dää beenhnhe wala ŋweer beenhnhe.»

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Daniel 9:19

Wui Kwäärö Wuuö Jwøk, wïny marwa! Wui Kwäärö Wuuö Jwøk, wëën waani! Wui Kwäärö Wuuö Jwøk, cek ïthï ki marwa ni tïïï ki gïrpiny! Wui ï na Jwøk mara, ki køør nyeŋŋï, kärï ruu, kiper pääny marï ki jiy moï cwøla ri nyeŋŋï.»

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Mathiew 9:2

Kanyøgøøni jiy akän baŋe ki ŋat mo obäp, mo opïël bäät pëëm. 'Ba kanya ö Jecu na neen ŋäädhe marge, ena köö jï ŋata näk obäp, ni «Mak cwïnyï, wääda, raay moï awec.»

Maak 11:25

'Ba kanyo wäro cuŋŋu nou lämö, ni näk da gïn mo ena cwïnynyu ki ŋat mør, wär weyu, kiper nee Wääu thuwø ni en maal nee mou na dhallu wiie.»

Luk 11:4

Ni weyï moa bacwa, kiper waani thuwø, jø wø bääö dëëtwa bëët wø wecwa wiiø. Ni ba bwøthï wa kany mo wa di päänynyö yie.› »

Luk 13:4

?Wala gïr jøøa näk apaar ka abära, na päth øt pööki bäätge yi Caylööm ni 'näk geni, aŋø, you caarø ni kadha bääyö marge ki jøw møga bëët moa bëëdö yi Jerucalem?

Luk 6:37

«Kär dee ŋat mo ŋølu wøk, nou ba ŋøl wøk, ni bäŋe ŋat mo jäällu, nou ba jääl thuwø. Ni weyu gïï wø bayi dëëtu, 'ba gïï wø bayu owec thuwø.

Moa Tïïc Nyïïatwieli 13:38

Kiper manøgønø, beerra man ŋäyu gø, nyïïmera, ni beeye ŋatøgø ni køp wëën raay ki køøre jïïu en.

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 4:32

'Ba køønynyu røgu, ni cwïnynyu da mëër, ni wëënnu røgu kaawat mana ö Jwøki na wec raayu ki ri Krictø.

Köløcia 3:13

Ni bäŋe ya ŋat mo cwïnye laara ränynyö ki watge maya. 'Ba ni näk da ŋat mo manynya cäänö kiper gïn mo oraany watge, beerra man cïp cwïnye piny ki gø. Kiper cwïnynyu dou cïba piny thuwø, keda mana ö Wuue na cïp cwïnye piny ki uuni.