Mathiew 6:10 - Wëël Jwøk

¹⁰ buyï ööe. Beerra man tïm mana manynyï ni di tïïö bäät piny kaawat man bëëde ni di tïïö maal enø.

Mathiew 6:10 Iomraidhean Croise

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 12:50

Kiper ŋat wäro tïïc mana many Wära ni en maal, beeye coka ni näk mera.»

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 4:17

Kar kaagønø, beeye kanya täk Jecu ki køp luum Jwøk, ni cäänö, ni «Løgu cwïnynyu, kiper buya käl maal kare acäännö.»

Mathiew 7:21

«Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Maak 11:10

Gwïëth en ri buc kwarø ma Deebit noo ööi. Wui, Odhaana! Pwøc en jï Jwøk ni en maalø!»

Maak 3:35

Ni ŋat wäro tïïc mana many Jwøki beeye coka ni näk mera.»

Luk 19:11

'Ba kanya pootge ni ge wïnynya gïïögøøni, Jecu luubö mør aput caan ni keda leer, kiper na tïme ni kare cään ki Jerucalem, no onø caar jiyi ni buc Jwøk puta nëënne.

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 22:42

na «Awuuö, ni näk mo ïïno jïëy, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï na doo tïïö.»

Jøøn 4:34

Ni kö Jecu jïge, ni «Cam mara beeye ki man tïïa mana many Ŋata jääŋ aani ni thööra tïïc mare.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 13:22

'Ba na nø käl gø wøk, Deebit athïïŋe nee tïme na nyeya jïge, ŋata cääne kipere, na kööe, ni ‹Cwïny Deebit o Jeci ajooda ni ena dhaanhø mo cwïnye ena baŋa, ni beeye ŋato tïïc gïïo manynya bëët.›

Moa Tïïc Nyïïatwieli 21:14

'Ba na jootwa gø ni luumwa ba wïnynye, waana lïŋö, ni köwa, ni «Mana many Wuue, wëëk tïïc.»

Moa Tïïc Nyïïatwieli 22:14

Ni kööe, ‹Jwø kwäyø ïïna jiere ki man ŋäyï mana manynye, ni neenï ŋata mare beer, ni wïnynyï dwøl mana öö ki dhee.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Epeca 6:6

Ni ba tïïyu kaper na mïëre ki nyeŋ jiy nou døøya yïth jiy mo met. 'Ba tïïyu ni uuna laak Krictø, nou tïïya mana many Jwøki ki cwïnynyu bäre,

Köløcia 1:13

Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

1 Thecalönika 4:3

Ni beeye mana many Jwøki nou tïmu nou ena kur keeru, nou tïmu ni karu bäär ki käp,

1 Thecalönika 5:18

Ni dwøgu met ec ki yïth jammi bëët. Kiper beeye mana many Jwøki jïïu ki ri Krictø Jecu.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Ibaru 10:7

'Ba kanyøgø, aana köö, ni ‹A nut ennø; aana öö kuna tïïa mana manynyï, ï na Jwøk, kaawat mana gööri yi Wëël Jwøk kipera.› »

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

1 Piter 2:15

Kiper beeye mana many Jwøki ni døøyu jøøa bäŋ wïdhi na näk bäŋ gïn mo ŋäcge mo lïŋö ki køør tïïe moa beyø ni wø tïïyu.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 12:10

Ni wïnynya dwøl mo päl maalø, ni köö, ni «Kawaane, pïëm man piem jiy ki gø, ki teek, ki buc Jwøø, ki teek Krictø na røønye apïï. Kiper ŋat wø wac nyeŋ nyïïmëëgø aleeŋ piny, ŋat wø wac nyeŋge nyïm Jwøø ki cääŋŋe ki wärre.

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.