Mathiew 5:9 - Wëël Jwøk

⁹ «Gwïëth en bäät jø wø tïïc bëët-mëër, kiper geno cwøl ni nyïï Jwøk.

Mathiew 5:9 Iomraidhean Croise

1 Luup Nyeye 12:17

Kanyøgø Deebit aput cøø nee røømme ki geni, ni kööe, «Ni näk mou ö baŋa ka mëër kuna kønynyu aani, cwïnya gääbö ki uuni; 'ba ni näk kiper naa cïbu cer nyïïmän 'moa, keda man bëëde ni bäŋ gïn mo raac mo yaa tïïö en, beerra man ö Jwøki, eni na Jwø kwäyø, ni raŋ luummögø ni ŋøl gø.»

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Luk 20:36

Ni ge ba maar thøø këët, kiper ge röömi ka nyïïatwiet maal, ni gena nyïï Jwøk, na nyïï duun wøk ki yi thøø.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Moa Tïïc Nyïïatwieli 7:26

'Ba na tïme na aruunnø man, jø Icriel ariiø acwäne ni ge wëër, ni thääk ge ni manynya man dwal geni, ni kööe, ‹Nyie jaay, uuna nyïïmëëe. ?Aŋø ni raanynyu røgu keeru en?›

Wëëlö Mana Göör Pøølli Baŋ Jø Röm 12:18

'Ba ni näk mo løny jïïu ki kun ni da kuru en, u doo bëëdö ki bëët-mëër ki jiy bëët.

Wëëlö Mana Göör Pøølli Baŋ Jø Röm 8:14

Kiper jiy bëët mo wø bwøth Jwïëc Jwøki, gena nyïï Jwøk.

Wëëlö Mana Göör Pøølli Baŋ Jø Röm 8:16

beeye Jwïëc Jwøk kiree ni wø cäänö na aciel ki jwïëyø ni øøna nyïï Jwøk.

Wëëlö Mana Göör Pøølli Baŋ Jø Röm 8:19

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

1 Körin 6:6

'Ba atïmö ni cöögö löö ka coki, ni løøa nyïm jøøa näk patha ojïëy.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Pilipay 4:2

A kwaya ï na Yudia, naa kwaya ï na Cintike, ki man dwallu cwïnynyu ki ri Wuuö.

Köløcia 3:13

Ni bäŋe ya ŋat mo cwïnye laara ränynyö ki watge maya. 'Ba ni näk da ŋat mo manynya cäänö kiper gïn mo oraany watge, beerra man cïp cwïnye piny ki gø. Kiper cwïnynyu dou cïba piny thuwø, keda mana ö Wuue na cïp cwïnye piny ki uuni.

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.