«Wui Wuuö Jwøk, mëër marï ni wø ba jøøl wø nyoothï nyoodhø jï jø wø bëëdö ki bëët-mëër, ni nyoothï bëëtö marï na näk kare jï jø wø bëëdö ki bëëtö ma kare.
Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.
Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»
Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.
Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.
'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.
Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.
'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.
'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.
