Mathiew 5:44 - Wëël Jwøk

⁴⁴ 'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Mathiew 5:44 Iomraidhean Croise

2 Nyeye 6:22

'Ba aløøe, ni «Jïre bäär, kär ge 'nägï. ?Aŋø, jiy mo iï maaø ki tøŋ 'nägï nääö? Cïp cam nyïmge, ki pïï, nee ge cämge nee døøge baŋ nyeya marge.»

Pwöc Leec Wïc 19:11

Leec wïc dhaanhø wø di kønyø nee ba laar päth ri wëër, ni tïme na gïr ajiem jïre kany wø wec gïna baac dëëre.

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Moa Tïïc Nyïïatwieli 16:28

'Ba Pøøl acwötö ki dwøl mo päl, ni kööe, ni «Kär dëërï nyäägï, kiper wa nutö bëët!»

Moa Tïïc Nyïïatwieli 7:60

Ni këël cøŋŋe piny ni kööe ki dwøl mo päl, ni «Kwäärö, kär gïn ni baacge en wiiï bäätge.» 'Ba na nø caan gïnögø, ena thøw.

Wëëlö Mana Göör Pøølli Baŋ Jø Röm 12:14

Gwïëthu jø wø caan uuni. Gwïëthu geni ni ba ciennu ge.

1 Thecalönika 5:15

Caarru wïthu, nee bäŋe ya ŋat mo dwøk raay jï ŋato caan gïn mo raac dëëre, 'ba cooth manynyu gïn mo beer mo dou tïïö jï wat maya, ki jiy bëët.

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.

1 Piter 3:9

Kär nou dwøga raay jï ŋato tïïc raay dëëtu, wala ajaany jï ŋato jany uuni, 'ba mana dou tïïö, u doo gwïëtha eni. Ni beeye gïnögøøni na cwøl uuni kipere, nou gwïëth.

1 Camiel 24:17

Køøre Cøøl aköö jï Deebit, ni «Beerra marï ki mara; kiper ïïna tïïö ki gïn mo beer kipera. 'Ba aani, mana tïïa dëërï beeye gïn mo raac.