Mathiew 5:22 - Wëël Jwøk

²² 'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Mathiew 5:22 Iomraidhean Croise

Wïlöölö 37:4

'Ba na jooti ya uutwänni ni wääge mëër ki eni ni kaala geni, gena männö ki gø døc, ni bëëtge ni ge ba cäänö ki gø ki met ec.

Wïlöölö 37:8

Køøre uutwänni aköö jïre, «?Aŋø, riï cuumï cuumö bäätwa? ?Aŋø, ï tïmö møn ni ïïna kwäärö bäätwa?» Køøre män marge ki eni akadhø døc kiper luup moa caane kiper lääk moe.

2 Camiel 16:7

'Ba luup moa car Cimiy kanya jany Deebit beege ii, ena köö, «Nyie dïnääy, ŋata wïïe raac, ciï, put aay nø.

2 Camiel 6:20

'Ba kanya ö Deebiti na duu paan dwøŋ kuna gwïëth jø paare, Mikal nyi Cøøl aöö nee røømge ki Deebit, ni cääne ki luum apääda ni kööe, na «Aŋø, nyeny Icriel, riï ka arunynyï ka abïï miï di wøørø kipere dïcäŋi. ?Aŋø, ï bëënnï ŋø ki dëërï dïcäŋi nyïm mään mo wø tïïö jï jø tïïc moï niï nëëni keda dhaanhø ma bøøl mo wïïe ba laay ki man cäädhe ki dëëre?»

1 Nyeye 21:4

Køøre Akap adøø paare no ogootø ni yie raac døc kiper luubö mana caan Naböthi nyï Jedhriel jïre na kööe, ni «Pwödhö mana no odööŋ na mar kwäcwa ba cïba jïrï.» Køøre ree anyaaŋ piny bäät pëëm mare no ogootø, ni nyïme ee løø ri øtø, ni bëëde ni ba cämö.

2 Luup Nyeye 16:10

Køøre Aca agootø ki nyikuŋ Jwøk ma Anani, ŋat wø joot jammi ki køør man wø nyooth Jwøki jïre, ni put gø kïth øt twöc, kiper cwïnye akëënynyö ki gø døc kiper luummögø. 'Ba yi kar kaaca, Aca aput tïmö ni jiy møøk di caannø thuwø.

2 Luup Nyeye 19:5

Ni röönye ki jø ŋøl luup yi pääny man nø ki man nø, ni beege yïth päänye bëët moa näk ogeerø ni teek yi ŋööm Juuda.

Neemiya 5:8

Køøre aana köö jïge, ni «Waani, ki køør mana løny jïwa, nyïïmëëgø ma jø Juuth moa biel dëëtge na laaŋe baŋ wïth juurre, gena wïïlwa wøk. ?'Ba ennø, u cäŋa nyïïmëëgu ma jø Juuth tïïyö nee dëëtge bielge, nee cäŋwa wïïl wøk?» 'Ba geni, gena lïŋö kiper bäŋ luubö mo ege joodø nee caange.

Dut Pwøc 14:1

Pwöc Leec Wïc 14:16

Ŋat mo wïïe leer wø lwäär, ni ree wø di paanyø ki raay, 'ba ŋat mo wïïe känni wø laara päär bäät luubö ni wïïe ba caare.

Pwöc Leec Wïc 18:6

Leep ŋat mo wïïe känni wø kännö ki pïëm, ni dhee wø cøøra pöödö keere.

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Wëël Kïmmö 3:52

'Ba jøøa männö ki aani ki gïn mo bäŋ tiere, aana cekge ka akupa kaamar wenyø.

Daniel 3:13

Kanyøgø Nabukedenecör dwøl aput cïp, ni eno wëër ni cwïnye okëënynyö, ki man øøm Cidarak, ki Micak, ka Abedenagø; køøre jøøgø akïth nyïme, eni na nyeya.

Daniel 3:19

Kanyøgø Nabukedenecör wëër aput kadhø cwïnye, ni ö täärnyïme ni put ree wiil ni cøl ki Cidarak, ki Micak, ka Abedenagø. Ni cïpe ki dwøl nee maac rup døc ni wärri, nee lïëth mare pöödhe ki kwöre abïriiø ni kaala lïëth man wø bëëde.

Obadiya 1:10

Kiper gïna leth na tïïyu dëët nyïïmëëgu ma nyïïkwaac Jeekap, otïmö ni käla lään wïc bäätu, ni raany uuni na bäre bäre.

Obadiya 1:12

'Ba u ba doo bëëdö jaak nou raŋŋa jï nyïïmëëgu dïcäŋa jwørge gïïa leth na tägö dëëtge; nou ba doo kanynyø bäät jø Juuda dïcäŋ ränynyö marge; nou ba doo ŋeethø bäätge dïcäŋ kïmmö marge.

Mathiew 10:17

Gwøgu rou ki jiy. Kiper uuno kïthge kwör løøe, ni pöötge uuni yïth uut acook lam moge.

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Mathiew 12:24

'Ba na ö jø Paricithi na wïnyge gïnögø, gena köö, ni «Beeye kwääy anäge ma Bieldhebap keere, ni wø ö ŋati wø riem anäge wøk ki nyeŋ gø.»

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 18:21

Kanyøgø Piter aö baŋ Jecu, ni kööe jïgø, ni «?Kwäärö, a kwöre adïï noo bääc coka dëëra, ni wëënna wëënnö? ?Beeye këël kwöre abïriiø kiree?»

Mathiew 18:35

«Kaawat manøgø, ni näk mo nyïïmëëgu ba wëënnu ni käla yïth cwïnynyu, Wära ni en maal teeŋ gïnögø otïïe dëëtu na enøgønø thuwø.»

Mathiew 23:15

Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø wïïrö nou cäädhi ka yïth näm ni cäädhu ki wøk kiper nou jïtu ki dhaanhø aciel mo løk ree. 'Ba noo nø løk ree, døøyu mo raac døc, ni tïme na ŋat mo orømø ki man leeŋi yi maac kar ajäla ni kaala uuni.

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 26:59

'Ba kanyøgø kwääc laam ki kwääc løøe bëët, gena määnyö ki luubö mo patha adïëri mo kïthge bäät Jecu nee eni 'näkge.

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Mathiew 5:34

'Ba aani, a caana gø jïïu, ni käru kööŋ na bäre bäre. Käru kööŋ ŋëët maal, kiper maal beeye wälu mar Jwøk.

Mathiew 5:44

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Maak 14:55

'Ba kanyøgø, kwääc laam ki kwääc løøe bëët, gena määnyö ki luubö mo kïthge bäät Jecu, kiper nee eni 'näk. 'Ba bäŋ gïn mo ege joodø.

Maak 15:1

'Ba na tïme na amöölla cøøn, kwääc laam, ki jaae, ki dïpööye mo ciik Jwøk, ki kwääc løøe bëët, gena cïp piny ki luubö. Ni twöcge Jecu ni bwøthge gø wøk, ni kïthge gø baŋ Paylat.

Luk 12:5

'Ba a nyutha uuni ŋata dou lwäärö. Lwäärru eni, ŋat wø nää, ni jïre da teek ki man cäŋ dhaanhø leeŋ yi maac kar ajäla. Adïëri møn, a cäänna uuni, lwäärru eni.

Luk 22:66

'Ba kanya ruu øwi, jaae moa en dï jiy gena cuuŋö na aciel, këël kwääc laam ki dïpööye mo ciik Jwøk bëët. Ni kïthge Jecu kar løøk marge, ni köge,

Jøøn 11:47

Køøre kwääc laam ki jø Paricith, kwääc løøe acooŋge kanya ciel, ni köge, na «?Agïnaŋø noo tïïø? Kiper ŋati atïmö ki ŋïïce mo thööth.

Jøøn 15:25

Ni beeye kiper luumma näk ogöörö ri ciik Jwøk moge nee thur kare, na køp, ni ‹Gena männö ki aani ki män mo bäŋ tiere.›

Jøøn 7:20

'Ba aløk jøøgø jïre, «Ïïni, riï da anägö. ?Aŋa ni cac man 'näk ïïni?»

Jøøn 8:48

'Ba aløk jø Juuthi jï Jecu, na «?Aŋø, marwa paa adïëri møn, na caanwa gøøni ni ïïna nyï Cameria, ni riï da anägö?»

Moa Tïïc Nyïïatwieli 17:18

'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø.

Moa Tïïc Nyïïatwieli 22:30

'Ba na tïme na aruunnø man, ni kwääy dïkuye manynya man ŋäc tier luubö na adïëri kiper gïna caan jø Juuthi dëër Pøøl, Pøøl apäde, ni cïpe ki dwøl jï kwääc laam ki kwääc løøe bëët nee rege cooŋge. Ni käl Pøøl baŋge ni cïp gø nyïmge.

Moa Tïïc Nyïïatwieli 23:1

'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.»

Moa Tïïc Nyïïatwieli 24:20

Wala jøøi ii ki dëëtge beerra man caange gïna raac na tïïa na jootge kanya cuŋŋa nyïm kwääc løøe.

Moa Tïïc Nyïïatwieli 4:15

'Ba na nø köömge geni ni daakge rege nyïm kwääc løøe, gena cäänö keerge,

Moa Tïïc Nyïïatwieli 5:21

'Ba na nø wïnyge gïnögø, gena døny yi kal mar Øt Jwøk Mana Dwøŋ ni cäŋ tuulö, ni pööge. 'Ba kanyøgøøni, Kwääy Lam Mana Dwøŋ aöö ki jøøa en buute, ni cooŋ kwääc løøe ki jaae mo Icriel, ni jääk baŋ jøøa twöc nee ge käli.

Moa Tïïc Nyïïatwieli 5:27

'Ba na nø kälge ge, gena kïthge nyïm kwääc løøe. Ni ö Kwääy Lammi Mana Dwøŋ ni pëëny geni,

Moa Tïïc Nyïïatwieli 6:12

Kanyøgø jiy, ki jaae, ki dïpööye mo ciik Jwøk awëëkge niïïk. Ni öge baŋ Ectipen, ni makge gø, ni kïthge gø nyïm kwääc løøe.

Moa Tïïc Nyïïatwieli 6:15

'Ba kwääc løøe bëët na näk opï piny kar løøk na neenge jïre, täärnyïme ajootge ni caala täärnyïm nyïïatwiel maal.

Moa Tïïc Nyïïatwieli 7:37

Ni beeye Modhe manøgø na köö jï jø Icriel, ni ‹Jwøk uuno thïïŋŋe ki nyikuŋ Jwøk røk nyïïmëëgu, kaawat mana thïïŋ aani.›

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

1 Körin 6:10

wala kuuwe, wala jø wärö, wala jø meeye, wala jø ajaany, wala dïtwïët jiy, mo ci buc Jwøki jïge.

1 Körin 6:6

'Ba atïmö ni cöögö löö ka coki, ni løøa nyïm jøøa näk patha ojïëy.

Tiet Ciik 15:11

Kiper jøøa can ba thum bäät ŋøøm, ni beeye tiere gø ni köömma uuni en, ni kööa, ni ‹Cenø jap jï wat mo can man wø many køny yi ŋöömö maru.›

Tiet Ciik 16:18

«'Ba wäru röönyu ki kwääri ki jø wø ŋøl luup yïth päänye mou bëët moo cïp Wuuö Jwøki na näk Jwøu jïïu, ni røønynyu ki køør wïth tuŋi mou; ni ŋøørge luup jiy na karge.

1 Thecalönika 4:6

Ni bäŋe ya dhaanhø mo dhal luummögø, ni tïme ki gïn mo raac dëër coki kiper gïnögø. Kiper Wuuö kwöri wø coole kaper gïïögø bëët, keda mana kwøŋwa u köömmö døøc.

Tayta 3:2

ni bäŋe ya gïn mo raac mo caange dëër ŋat mør, ni kwierge wëëye, ni tïmge ni ge mwöl, ni tïmge ni jiy bëët ege wøørø na adïëri.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

Jeemeth 2:20

?Aŋø, ï manynya gø nee nyooth jïrï, ï ni bäŋ wïc en, ki man näk mo ŋäädhe ni näk bäŋ tïïe ree, bäŋ gïn duue?

Jeemeth 3:6

'Ba leep caala maac, ni leep caala pinyi ni raac en, ni ena thäk dëëtø, ni raanynya dëël bäre, ni waaŋa kwøw bäre, na acaare moøgø bëët käla bäŋ anägö.

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.

1 Piter 3:9

Kär nou dwøga raay jï ŋato tïïc raay dëëtu, wala ajaany jï ŋato jany uuni, 'ba mana dou tïïö, u doo gwïëtha eni. Ni beeye gïnögøøni na cwøl uuni kipere, nou gwïëth.

1 Jøøn 2:9

'Ba ŋat wø köö ni eni ena yi tar, ni män ki coki, eni poot ena yi muudhö.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.