Mathiew 5:19 - Wëël Jwøk

¹⁹ 'Ba ŋat wäro raany ciik aciel mana thiinhnha eni dëët moa näk ocemø, ni pwöny jiy na enø nø ki gø, eno cwøl ni thiinhnha kare yi buya käl maal. 'Ba ŋat wø tïïc geni ni pööe ki geni, eno cwøl ni dwøŋŋa kare yi buya käl maal.

Mathiew 5:19 Iomraidhean Croise

Daniel 12:3

'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Mathiew 11:11

Adïëri møn, a cäänna uuni, ni bäŋ dhaanhø mo othïïŋö mo dwøŋŋa kare ki kar Jøøn na näk dïlööy na nyuudhi dï jøøa nywøl määnni. 'Ba eni na kare thiinhnha eni yi buya käl maal, tïmö ni dwøŋŋa eni ki Jøøn.

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Mathiew 20:26

'Ba u ba doo tïmö na enøgønø. 'Ba ŋat wäro many man tïme ni dwøŋŋa kare dïïu, wär tïme na ŋat mo tïnynya uuni.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Luk 1:15

Kiper eno tïmö na ŋat mo dwøŋ nyïm Wuuö Jwøk, ni eni ba mädhö ki køøŋ nyïïomøki wala køøŋø mo keec. 'Ba eno bëëdö ni päŋ ki Jwïëc Jwøk na en kur keere, ki mano täge ni ena yi menni.

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Moa Tïïc Nyïïatwieli 1:1

Ï na Thïëpöla, yi wëëlö mana kwøŋa göör, a caana japa täk Jecu ki tïïc ki pwöc moe bëët,

Wëëlö Mana Göör Pøølli Baŋ Jø Röm 3:8

?Na aŋø nø ni ba tïïø ki raay nee gïïa beyø öge? keda man wø caan jø møøki ni ge kïtha luubö bäätwa, ni beeye gïn wø caanwa. 'Ba ajäla marge orøm dëëtge.

Wëëlö Mana Göör Pøølli Baŋ Jø Röm 6:1

?Agïnaŋø noo caanø nø? ?Aŋø, ø doo puta bëëtö yïth raay, nee met yi Jwøk pälle?

Wëëlö Mana Göör Pøølli Baŋ Jø Röm 6:15

?Agïnaŋø nø? ?Ø doo bääö kiper mana bëënnø met yi Jwøk ni ø ba bëën ciik Jwøk këët? Ba doo løny.

Tiet Ciik 12:32

«'Ba gïï köömma uuni ki ge bëët ii, beerra man gwøgu ge, ni kïthu ge bäät tïïc, ni ba meetu ge, ni ba kännu wøk rege.

Tiet Ciik 27:26

« ‹Acïëni oen bäät ŋato ba wëëk ciik moi thur karge ki køør mano ba kïth ge bäät tïïc.› «Køøre ojøl jiyi bëët, ni köge, ni ‹Kare!›

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Jøøn 3:4

Jiy bëët mo wø bääö wø dhala ciik Jwøk. Kiper bääyö beeye dhal ciik Jwøk.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.