Mathiew 5:15 - Wëël Jwøk

¹⁵ Ni bäŋ ŋat mo nyep lamba ni kïth gø tier dak, 'ba wø cïbe bäät tharabëëta, ni ö taye ni meeny yi øtø bäre.

Mathiew 5:15 Iomraidhean Croise

Bwøth Wøk 25:37

«Køøre nø, wärï tïïï ki lambae abïriiø; ni kïthï lambae moøgø maal nee cïpge ki tar ni meenyge nyïm gïn wø cuŋ lambae bääte.

Dhekaraya 4:2

Ni pëëny aani ni kööe, na «?Agïnaŋø ni neetï enø?» Ni løøa gø jïre, na «A neeta gïn wø cuŋ lambae bääte mo otïïö ki warkey, ki mäc abïriiø mo liel wïïe, ni wïïe da wïl maaw ki gïï ma abïriiø mo wø jääŋ maaw baŋ mäc moa liel.

Kwään Jiy 8:2

ni «Caanï jï Aran, ni ‹Kany wäro cïbï lambae moa na abïriiø karge, däär maac marge doo meenya nyïm gïn wø bëët lambae bääte.› »

Maak 4:21

Ni kö Jecu jïge, na «?Aŋø, lamba wø käli kaper nee kïth tier dak wala tier pëëm, ni patha bäät tharabëëta?

Luk 11:33

«Bäŋ ŋat mo nyep lamba ni cäŋ gø kïth yi buur wala tier dak, 'ba wø cïbe bäät tharabëëta, kiper nee jø wø duny øtø nee tar jootge.

Luk 11:36

'Ba ni näk dëërï orømø ki tar ni bäŋ kany mo cøl, dëërï bäre ena yi tar møn, keda man wø ö lamba wø meeny ïïni ki taye.»

Luk 8:16

«'Ba bäŋ ŋat mo nyep lamba ni cäŋ gø rïëpö ki gïrpiny, wala kïthe tier pëëm, 'ba wø cïbe bäät tharabëëta, kiper nee jø wø dunynyi, nee tar neenge.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

Ibaru 9:2

Kiper da oduŋkaara mo otïïö, ni thääŋŋe mana en wøk beeye mana wara bëët lamba, ki tharabëëta, ki møga näk nyuudhi yie. Ni kaace cwøl ni kanya en kur keere na mar Jwøk.

Mana Nyooth 2:5

Caar wïïï ki gïna døøï cään ki gø. Løk cwïnyï, ni tïïyï tïïe moa wara tïïyï dïkwøŋ. 'Ba ni näk ba tïïyï, ni ba løgï cwïnyï, a ööa baŋï, ni lwøra lamba marï kare, ni daaa gø.