Mathiew 5:12 - Wëël Jwøk

¹² Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

Mathiew 5:12 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

1 Nyeye 18:13

?Aŋø, gïna tïïa kär caanø jïrï? Kanya ö Jedhebelli na 'näk nyïïkuk Jwøk mo Wuuö Jwøk, aani nyïïkuk Jwøk mo Wuuö Jwøk ma dïpa akana yïth uut kïte na pïërabïïc pïërabïïc, ni bëëda ni ge møya møyø ki cam ki pïï.

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

1 Nyeye 19:2

'Ba Jedhebel ajääk baŋ Ilaaja ki dhaanhø ni kööe, ni «Teeŋ kar kany nø diøø, ni näk jwïëy moï kära raanynyø kaamar jwïëc nyïïkuk Baal moa raanynyï, aani, a raany juuwi 'moa raanynyø.»

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

2 Nyeye 1:9

Kanyøgø kwääy jø leny ma pïërabïïc ki jiye moa näk pïërabïïc aput nyeya jääŋŋö baŋ Ilaaja. Køøre kwääc jø leny manøgø aci baŋ Ilaaja, ni Ilaaja opï piny bäät thuur; ni kööe jï Ilaaja, «Wui, nyikuŋ Jwøk, nyeya aköö ni ööï.»

2 Luup Nyeye 16:10

Køøre Aca agootø ki nyikuŋ Jwøk ma Anani, ŋat wø joot jammi ki køør man wø nyooth Jwøki jïre, ni put gø kïth øt twöc, kiper cwïnye akëënynyö ki gø døc kiper luummögø. 'Ba yi kar kaaca, Aca aput tïmö ni jiy møøk di caannø thuwø.

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Jeremaya 37:14

'Ba Jeremaya aköö, ni «Manøgø patha kare. Aani, mara paa cïp raa jï jø Babiløn.» 'Ba mana caan Jeremaya käre leŋø. Køøre Iriya Jeremaya aput mak, ni käl gø baŋ jøøa kwörge døøŋŋø.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Luk 13:34

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 6:23

«Wär yïthu mïnge dïcäŋöca, ni kanynyu ki met ec, kiper gïno mëëk uuni maal dwøŋ. Kiper manøgø beeye gïna tïïc kwäcge røk nyïïkuk Jwøk thuwø.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Moa Tïïc Nyïïatwieli 16:25

'Ba na tïme na dï wäär, Pøøl ki Cayla gena lämö ni wärge ki dudi jï Jwøk. 'Ba jøøa näk otwöö, ïthge acekge jïge.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

1 Körin 3:8

Kiper ŋat wø pïïdhö ki ŋat wø jwïëk pïï, ge röömi bëët. Ni ŋati man nø jape ojoode kaawat mana tïïe.

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Pilipay 1:29

'Ba ocïbö jïïu kiper nyeŋ Krictø, ki man jwørru gïï mo leth kipere, ni paa man jïëyu ni ŋääthu eni keere.

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

Köløcia 1:24

'Ba kawaane, yia amïnnö ki gïïa leth ni wø jwøra kiperu. 'Ba ki dëëra man, a thööra gïïa dööŋ ri moa jwør Krictø kiper dëëre na näk acooŋ Jwøk.

Köløcia 3:24

Ni ŋäyu gø, nou jïtö ko olaawi baŋ Wuuö, na ŋade maru. Kiper u tïnynya Kwäärö ma Krictø.

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

Ibaru 10:34

Kiper cwïnynyu apädhö ki gïr jø tööc, ni jïëyu ki man twier jammi mou ni yïthu met, kiper mana ŋäyu gø ni jïïu da gïn mo beerra eni mo puta bëëte.

Ibaru 11:26

Ni ee caarø na abuua mana buui ki gø kiper Krictø beeye kwärö eni mana dwøŋ ki kwär mar Ijep, kiper na neet gïno cïp yi nyïm.

Ibaru 11:33

jøøa dïïm mïëc nyeye ki køør ŋäädhe, na ŋøl luup ki ŋøl ma adïëri, na joot gïïa buuk, na mec dhøk ŋuuwe,

Ibaru 11:6

'Ba ni näk bäŋ ŋäädhe, ba maar lønyø jï dhaanhø ki man døøc yi Jwøk mo met. Kiper ŋat wø nyiik buut Jwøk kany mo cään, wär cwïnye dee ŋäädhe ni Jwøk nutö, ni wø cïpö ki jammi jï jø wø many eni.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

Jeemeth 5:10

Nyïïmera, ni näk mou manynya neen jöör jwør gïï mo leth ni cwïny ocïp piny, raŋŋu bëët nyïïkuk Jwøk, jøøa cäänö ki nyeŋ Wuuö.

1 Piter 4:13

'Ba yïthu mïnge kaawat man bëëdu nou nywaaga gïïa leth na jwør Krictø, kiper nee yïthu mïnge ni ŋeethu kanyo nyooth ajiem mare.

Ruuth 2:12

'Ba Wuuö Jwøk ïïno cunne kiper gïna tïïyï; ni ö eni na Wuuö Jwøk na näk Jwø Icriel, Jwøa ööï baŋe na kanï riï buute, ni mooc ïïni ki gïn mo beer.»