Mathiew 5:10 - Wëël Jwøk

¹⁰ «Gwïëth en bäät jø wø caanni ki køør bëëtö marge na beer nyïm Jwøk, kiper buya käl maal beeye marge.

Mathiew 5:10 Iomraidhean Croise

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Mathiew 10:23

'Ba kany wäro caange uuni yi paac aciel, wär reŋŋu yi paac mør. Kiper adïëri møn, a cäänna uuni ni mïëc Icriel bëët ba dou thöörö ki caath, ni Wär Dhaanhø poot kär öö.

Mathiew 19:14

'Ba Jecu aköö, ni «Weyu obwöre, nee öge baŋa; ni ba mänu ge. Kiper teeŋ obwöre moøgø nø, buya käl maal beeye marge.»

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Maak 10:14

'Ba gïnögø na neeni ya Jecu, cwïnye aränynyö, ni kööe jïge, ni «Weyu obwöre, nee öge baŋa; kär geni mänu. Kiper teeŋ obwöre moøgø nø buc Jwøk a marge.

Maak 10:30

eno mooc ki jammi mo thööth yi pinyi ennø, ni kaala moa dïkwøŋ, teeŋ ka uudi, ki nyïïmëëe, ki mëëe, ko obwöre, ki pwöth, këël ki caannø thuwø. 'Ba piny mano ööi beeye kwøw mana näk adïëri na bäŋ cuŋŋe.

Luk 21:12

'Ba kanyo poot gïïögø bëët, uuno maaŋge, ni caange uuni, ni cïpge uuni ceŋ jø uut acook lam ki uut twöc. 'Ba uuno kïthge nyïm nyeye ki nyïm kwääri kiper nyeŋŋa.

Luk 22:29

'Ba keda mana ö Wära na mooc a ki bura, beeye thuwø na wëëga gø uuni,

Luk 6:20

Kanyøgø Jecu alwïthö ni neen jï bääge, ni kööe, «Gwïëth en jïïu, u ni can, kiper buc Jwøk a maru.

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Jøøn 15:20

Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Moa Tïïc Nyïïatwieli 5:40

Kanyøgø dwøre aleŋge. Ba na nø cwølge nyïïatwieli yi øtø, gena pwötge ni cemge ge nee nyeŋ Jecu ba caange këët, ni wëëkge ge wääth.

Moa Tïïc Nyïïatwieli 8:1

'Ba Cøøl ajïëy ki thøw Ectipen. 'Ba dïcäŋöca caarø mo päl atägö dëët jø acooŋ Jwøk moa en yi Jerucalem. Ni ö jiyi ni keethge ni cige wøk bëët yïth mïëc Judia ki Cameria, 'ba beege nyïïatwieli keerge na dööŋ.

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Pilipay 1:28

'Ba kär nou lwäyö ki gïï wø tïïc jø wø män ki uuni bëët. Kiper manøgøøni beeye nyuudhi jïge mar ränynyö marge, 'ba ki jïïu beeye pïëm man piem uuni ki gø, ni beeye man wø cïp Jwøki.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

2 Timöthi 3:11

ni caannø mara ŋäyï, ki gïïa leth na jwøra, ki gïïa pïï dëëra yi Antïëk, ki yi Ayköniem, ki yi Litara, a teeŋ caarø mo nyïëdi na maa cwïnya ki gø. 'Ba Wuuö aana pieme yïth gïïögø bëët.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 5:11

'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.