Mathiew 4:24 - Wëël Jwøk

²⁴ Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Mathiew 4:24 Iomraidhean Croise

2 Camiel 8:6

Kanyøgønø, Deebit aput tïïö ki kwör koor dï mïëc jø Aram moa en tier Damacka, ni ö jø Arammi ni putge tïmö ni ge bëënna Deebit ni ge cïpö ka ajwäk jïre. 'Ba Wuuö Jwøk aput bëëte ni køønynya Deebit kany wø tuge yie jaak.

1 Nyeye 10:1

'Ba kanya ö nyijøøa no orøønyø na nyeya mar Cïïba na wïny gïr wïny nyeŋ mar Cølöman mana cïp Wuuö Jwøki jïre, ena ö kuna pëëny Cølöman ki pïëc mo teek.

1 Nyeye 4:31

Eni wïïe leer ni kaala leec wïc mar jiy bëët, këël leec wïc mar Ëtan nyï Edhera, ki leec wïc mar wäät Mööl, ni beege Ëman ki Kalköl ki Darda; ni ö nyeŋŋe ni wïnye dï wïth juurre bëët moa en deŋŋe.

1 Luup Nyeye 14:17

'Ba gïr Deebit awïnyö tiet mïëri bëët; ni ö Wuuö Jwøki ni käl lwär mo dwøŋ bäät wïth juurre bëët ni ge lwäära Deebit.

1 Luup Nyeye 29:2

'Ba ennø, ki køør mana no oløny jïra bäre aana cïpö ki jammi kiper Øt Jwøa. Aana cïpö ki warkey kiper jammi moo tïïc ki warkey; ni cïpa ki gwet-bïrö kiper jammi moo tïïc ki gwet-bïrö; ni cïpa ki nywïëny ma jwëëlli kiper jammi moo tïïc ki nywïëny ma jwëëlli; ni cïpa ki teeŋ nywïënyö mano cwøl ni ayrön kiper jammi moo tïïc ki gø; ni cïpa ki jenni kiper jammi moo tïïc ki jenni; ni cïpa thuwø ki kïte mo perge leth, ki teeŋ kïte mo caami ki gø, ki teeŋ kïte mo ŋwaŋŋi ki gø, ki kïte ma kït ma teeŋi, ki wïth kïte bëët moa perge leth, ki wïth kïte møøk mo mïërö mo thööth.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Mathiew 12:22

Kanyøgø ŋat ma cwør mo ba cäänö, mo dëëre da anägö, akäl baŋ Jecu. Ni ö Jecu ni køny ŋatøgø, ni tïm ŋatøgø ni ba cäänö enø, ni cäänö ni nëënö.

Mathiew 14:1

'Ba kar kaaca Eerat na bëën paaci, gïr Jecu awïnynye.

Mathiew 15:22

Kanyøgøøni, nyijø Keenan mo bëëdö paanøce aöö ni rëëdö ni kööe, ni «Køny canna, Kwäärö, Nyikwaar Deebit. Nyaara omak anägö ni teek døc.»

Mathiew 17:15

ni «Kwäärö, køny wääda, kiper ree da cet, ni eno ööl ki öölö mo raac døc. Kiper cooth eni wø pätha yi maac, ni päth yi naam.

Mathiew 17:18

Kanyøgø anäŋŋögø akööm Jecu, ni ö anäŋŋögø wøk. Ni put dëër nyilaalli døø kare.

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Mathiew 8:28

'Ba kanya nø pïïc Jecu løøga po jø Gadarin, ena røømmø ki jak ma ariiø mo wïthge da anäk, mo käla bäät bwör, mo geno gäy døc, ni bäŋ dhaanhø mo løny jïre ki man pöödhe ki jööröce kiperge.

Mathiew 8:33

Ni ö dïkwääc othuri ni reŋge. 'Ba na pïïcge paac, jammi bëët acaange, ki gïna tägö dëët jøøa wïthge da anäk.

Mathiew 8:6

ni kööe, ni «Kwäärö, laŋŋø mara tuu no obäp paac ni baŋŋi døc.»

Mathiew 9:26

Ni ö gïr gïnögø ni wïnye dï paanøce bäre.

Mathiew 9:35

Ni ö Jecu ni caath dï mïëri bëët, moa døøŋŋø ki moa therø, ni pöö yïth uut acook lam moge, ni køpa luumma nyään na met mar buc Jwøk, ni kunyö ki teeŋ täwe bëët ki teeŋ ŋwiili bëët.

Maak 1:28

Ni put gïre wïnyö dï mïëc Galili bëët.

Maak 1:32

'Ba na näk abøønynyøgø na päth cäŋŋi, jøøa tuu bëët ki jøøa dëëtge da anäge akälge baŋ Jecu.

Maak 2:3

Kanyøgø jø møøk aö baŋe, ni ge käära dhaanhø mo obäp mo käära jiyi aŋweenni.

Maak 2:4

'Ba na jootge gøøni ni ge ba maar thur buute kiper lwaak, wï øtø apätge ki kanya cuŋ Jecu yie. 'Ba na nø japge gø, pëëm mana en ŋata näk obäpi yie alwärge piny.

Maak 2:9

?A mane ni jööta eni na doo caanø jï ŋati no obäp en, ni ‹Raayï awec,› wala ki man caani, ni ‹Ö maal, ni lwørï pëëmï ni cäädhï.›?

Luk 2:2

'Ba manøgø beeye göör nyeŋ mana dïkwøŋ kanya bëët Kwarinia na kwäärö mar jø Ciria.

Luk 4:14

Køøre Jecu aduu yi Galili, ni eni teek ki ri Jwïëc Jwøk, ni ö gïre ni wïnye yïth mïëya en kaace bëët.

Luk 4:38

'Ba Jecu aö maal, ni aa wøk ki yi øt acooŋ lam, ni ci po Cayman. 'Ba kanyøgø mii cï Cayman tuu ka adïrïgi mo teek. Ni kwacge eni kipere.

Luk 5:15

'Ba kanyøgø gïr Jecu acäŋ wïnynyö døc ni pööth kany mo bäär. Ni ö lwaae mo thööth ni öge kuna wïnyge mare, nee ŋwiili mo wø en dëëtge køny thuwø.

Luk 5:24

'Ba kiper nee ŋäyu nø ni Wär Dhaanhø jïre da teek bäät piny ki man wec raay,» ena köö jï ŋata näk obäp, na «A cäänna ïïni, ö maal ni lwørï pëëmï, ni ciï paac.»

Luk 7:17

Ni ö gïre manøgø ni wïnye dï Judia bäre, ki yïth mïëya en ŋää paac bëët.

Jøøn 10:21

'Ba møøk aköö, ni «Luupi ba doo caan dhaanhe mo ree da anägö. ?Aŋø, anägö nyeŋ dhaanhø ma cwør dee jabø?»

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 15:23

Ni ge käära wëëlö mo ogöörö na ennø nø, ni «Waana nyïïatwieli ki jaak acooŋ Jwøk ni määth uuni en, u na nyïïmëëe ma juurre, u na en yi Antïëk, ki Ciria, ki Cilicia.

Moa Tïïc Nyïïatwieli 15:41

Ni caath dï Ciria ki Cilicia, ni wëëk acook Jwøk tëënnö.

Moa Tïïc Nyïïatwieli 28:9

'Ba na nø täk gïnögø, jø møga bëët moa näk dëëtge da ŋwiili ya acuullögø gena öö thuwø, ni køny geni.

Moa Tïïc Nyïïatwieli 8:7

Kiper juuga reyø aö wøk dëët jiy mo thööth moa näk dëëtge dagø, ni öge wøk ni ge rëëdö ki dwøl mo päl. Ni ö jøøa näk obäpi mo thööth ki ŋööte ni døø dëëtge kwörge.

Jøcua 6:27

'Ba Wuuö Jwøk aput bëëtö ki Jøcua, ni ö nyeŋ Jøcua ni put wïnynye yi ŋöömmögø bäre.