Mathiew 4:2 - Wëël Jwøk

² Ni bëëde ki nïne ma pïëraŋween, ni beeye wärre ki cääŋŋe, ni ba cämö. 'Ba køøre ena 'näk käci.

Mathiew 4:2 Iomraidhean Croise

1 Nyeye 19:8

Køøre ena ö maal ni cäme ni mäthe ki pïï, ni tïm dëëre ni teek ki cam mana came, ni cäädhe ki nïne ma pïëraŋween, ni beege cääŋŋe ki wärre, këël mana pïïe ri Kïn Körëp, kïnna näk Kïn Jwøk.

Bwøth Wøk 24:18

Ni ö Modhe ni døny dï pöölö ni ci maal bäät kïdi, ni bëëde bäät kïdi ki cääŋŋe ma pïëraŋween ki wärre ma pïëraŋween.

Bwøth Wøk 34:28

Ni ö Modhe ni put bëëtö kaace buut Wuuö Jwøk ki cääŋŋe ma pïëraŋween ki wärre ma pïëraŋween; ni bäŋ gïn mo ee camø, wala pïï mo ee maadhø. Ni göör luup moa tuut, na näk ciik moa näk apaar, bäät opäp kïte.

Mathiew 21:18

'Ba kanya tïme na amöölla, ni Jecu døøa pääny, ena 'näk käci.

Mathiew 25:35

Kiper aana 'näk käci, ni mooyu aani ki cam. Aana 'näk riewi, ni mooyu a ki pïï. Ni ööa ni aana wëëllö, ni pänhnhu aani.

Mathiew 25:42

Kiper aana 'näk käci, ni käru a mooø ki gïn cam. Aana 'näk riewi, ni käru a mooø ki pïï.

Maak 11:12

'Ba na tïme na aruunnø man, kanya nø tïŋge ki yi Bethani, Jecu anäk käci.

Luk 4:2

Ni bëëde paap ki nïne ma pïëraŋween, ni pääny anägö päänynyö, ni bäŋ gïn mo ee camø yïth nïrögø. 'Ba na thum nïrögø, ena näk käci.

Jøøn 4:6

'Ba iith Jeekap ena kanyøce. Kanyøgø nø, Jecu kiper mana näk eno ööl ki wääth mare, ena pï piny buut iidhøgø. Ni cäŋ ena dhöör.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.

Tiet Ciik 9:18

Køøre aani raa aleeŋa piny nyïm Wuuö Jwøk ni kwaaa gø ki nïne ma pïëraŋween, ni beeye dïcäŋ ki wäär, ni bäŋ gïn mo yaa camø wala pïï mo yaa maadhø, kaawat mana tïïa dïkwøŋ. 'Ba Wuuö Jwøk akwaaa kiper gïna baayu na raac dëëre, ni cwaatu yie ki gø këël mana wëëre.

Tiet Ciik 9:25

«'Ba kanya leeŋa raa piny nyïm Wuuö Jwøk, ni kwaaa gø ki nïne ma pïëraŋween, kwaaa kaper mana kö Wuuö Jwøki nou nääe nääö.

Tiet Ciik 9:9

'Ba kanya cøøa bäät kïdi, nee opäp kïte moa näk luumma tuut Wuuö Jwøki ki uuni ogöör bäätge lwøra, kar kaaca aana bëëdö bäät kïdi ki nïne ma pïëraŋween, ni beeye dïcäŋ ki wäär, ni bäŋ gïn mo yaa camø wala pïï mo yaa maadhø.