Mathiew 3:9 - Wëël Jwøk

⁹ ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

Mathiew 3:9 Iomraidhean Croise

Edhikiel 33:24

«Wär dhaanhø, jiy moø ni bëëdö ŋööm Icriel kwörö no oränynyö yøø, gena köö, ni ‹Eeberam beeye dhaanhø aciel, 'ba eni ŋöömö alwøre. 'Ba øøni, ø thööth; ennø ŋöömö acïp jïïø na marø møn.›

Maak 7:21

Ni beeye yi cwïny dhaanhø ni wø ö acaac raay ki yie, teeŋ ka käp, ki käw, ki 'näk, ki luk,

Luk 12:17

Ni pëëny dëëre keere, na ‹?Agïnaŋø noo tïïa? Kiper bäŋ kany kïtha beega yie.›

Luk 16:24

Ni cwøl gø, na ‹Awuuö ma Eeberam, køny aani. Jääŋ Ladhara, nee wï lweete keere kïth yïth pïï, nee leeba ŋïnynye. Kiper dëëra waŋŋi ki maai.›

Luk 19:40

Ni dwøk gø jïge, na «A cäänna uuni, ni näk mo jøøi ii lïŋö, këël kïte moi ii ki dëëtge doo rëëdö.»

Luk 3:8

'Ba bëëdu ki bëëtö man wø rømi ki løk cwïny, ni ba tägu ki man cäänu ki cwïnynyu, nou köö, ni ‹Eeberam beeye na kwarwa.› Kiper a cäänna uuni, ni Jwøk jïre da teek ki man jïte ki jiy jï Eeberam røk kïte moi ii.

Luk 5:22

'Ba na ŋäyi ya Jecu ni ge cara luupögø ki cwïnyge, aløøe jïge, na «?Aŋø ni cäänu na enø nø ki cwïnynyu en?

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Jøøn 8:33

Ni løkge gøøni jïre, ni «Waana nyïïkwaac Eeberam, ni wa kär kwøŋ tïmö ni waana laaŋe jï jø møøk. ?Aŋø ni kööï, ni wa doo pädö?»

Jøøn 8:37

Ŋääa ni uuna nyïïkwaac Eeberam, 'ba u poot caya man 'nägu aani, kiper luumma käru maa ki cwïnynyu.

Jøøn 8:53

?Aŋø, dwøŋŋa ïïni ki kwarwa ma Eeberam na thøw? Këël nyïïkuk Jwøk athøw. ?Ïïni, riï otïïyï gø na ŋa cøøn?»

Moa Tïïc Nyïïatwieli 13:26

«Nyïïmera, u na wäät nyïïkwaac Eeberam, ki jøø ni en dïïu ni wø lwäär Jwøk yøø, beeye øøni na wëëk luum piem man.

Moa Tïïc Nyïïatwieli 15:14

Luum kanya ö Jwøki dïkwøŋ na liim juurre, nee kwänye dïge ki jiy kiper nyeŋŋe, acaan Caymanni jïïu.

Wëëlö Mana Göör Pøølli Baŋ Jø Röm 4:1

?'Ba agïnaŋø noo caanø kiper kwarø ma Eeberam na kälø ree?