Mathiew 3:2 - Wëël Jwøk

² ni köö, ni «Løgu cwïnynyu, kiper buya käl maal kare acäännö.»

Mathiew 3:2 Iomraidhean Croise

1 Nyeye 8:47

ni näk mo ge cätö yi ŋöömö mana kïth ge yie ni ge mak ka tøŋ, ni løkge cwïnyge ni kwacge ïïni yi ŋööm jøøa mak ge ki tøŋ, ni köge, ni ‹Waana bääyö, ni nø tïïwa ki gïn mo reyø døc,›

Jööp 39:12

?Aŋø, løny jïrï ki man ŋääthï gø nee beel moï cooŋe ni kïth ge kar dïn?

Jööp 42:6

Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Mathiew 10:7

Cou ni køpu luum Jwøk, ni kööu, ni ‹Buya käl maal kare acäännö.›

Mathiew 11:20

Kanyøgø Jecu atägö ki man jääl mïëri kiper na kärge rege løø, ni beege mïëya tïïe yïthge døc ki tïïe mo døøŋŋø.

Mathiew 12:41

'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 13:24

'Ba Jecu luubö mør mo keda leer acäŋ parrø jïge, ni kööe, ni «Buya käl maal doo päärö ki ŋat mo pwöthe ee jørø ki köödhi ma wøpe.

Mathiew 13:31

Ni ö Jecu ni cäŋ luubö mør parrø jïge mo keda leer, ni kööe, ni «Buya käl maal caala nyi waŋ kunhnhö mo thiinh døc mo okäl dhaanhe ni piith gø yi pwödhö mare.

Mathiew 13:33

Ni ö Jecu ni cäŋ ge cäännö ki luubö mør mo keda leer ni kööe, ni «Buya käl maal caala thømmø mo olwør dhaage ni kïth gø yi møø ma yïth rumme adäk këël mana wäny møø manøgø bäre.»

Mathiew 13:47

«Ni buya käl maal caala ajääp mo oleeŋ yi naam, ni gwaar wïth rec yie bëët.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 18:23

«Kiper manøgønø, buya käl maal løny ki man pääri ki nyeya mana many man cwøl jammi moe moa en bäät jø tïïc moe.

Mathiew 20:1

«Kiper buya käl maal caala wää pwödhö mo omøøl wøk ka amöölla kuna cääye ki jø tïïö yi pwöthe.

Mathiew 22:2

ni «Buya käl maal doo päärö ki nyeya mo da cam mo ee jiiŋŋø kiper nywöm mar wääde,

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 25:1

«'Ba buya käl maal doo päärö ki nyïïakuue apaar mo lambae moge ege lwørø ni cige kuna jølge ŋat nywöm.

Mathiew 25:14

«Kiper gïnögø otïmö kaamar nyen mo manynya wääth, ni cwøl laaŋe moe, ni cïp gwete jïge nee tïïge ki geni.

Mathiew 4:17

Kar kaagønø, beeye kanya täk Jecu ki køp luum Jwøk, ni cäänö, ni «Løgu cwïnynyu, kiper buya käl maal kare acäännö.»

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Mathiew 5:10

«Gwïëth en bäät jø wø caanni ki køør bëëtö marge na beer nyïm Jwøk, kiper buya käl maal beeye marge.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Mathiew 6:10

buyï ööe. Beerra man tïm mana manynyï ni di tïïö bäät piny kaawat man bëëde ni di tïïö maal enø.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Maak 1:15

Ni kööe, ni «Kanya wäŋŋi athur kare, ni buc Jwøk kare acäännö. Løgu cwïnynyu ni jïëyu luumma nyään na met, ni ŋääthu gøøni.»

Maak 1:4

Jøøn na näk dïlööy na nyuudhi ree anyoodhe ŋää paac, ni køpa luum lwøk jiy na nyuudhi na en ri løk cwïny, kiper raac jiy nee wec Jwøki.

Maak 6:12

Kanyøgø gena aay, ni køpge gø, ni jiy cwïnyge dege løø.

Luk 1:16

'Ba eni wäät Icriel mo thööth oløø baŋ Wuuö Jwøk na näk Jwøk marge.

Luk 11:20

'Ba ni näk cer Jwøk beeye wø riema anäge wøk ki gø, beeye buc Jwøk na ö bäätu.

Luk 13:3

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.

Luk 13:5

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.»

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 15:7

'Ba a cäänna uuni, ni da met ec mo päl maal ma enønø kiper ŋat raay aciel mo cwïnye ee løø, ni kaala met ec mana di eci mïnnö kiper jiy ma pïërabïŋween ka abïŋween mo beyø mo bäŋ løk cwïny mo manyge.

Luk 16:30

'Ba ena köö, ‹Jïre bäär, awuuö ma Eeberam; ni näk mo da dhaanhø mo cøøa baŋge ki dëët jøøa näk othøw, cwïnyge løkge løø.›

Luk 21:31

Kaawat manøgø thuwø, kanyo neennu gïïögø ni tägö, oŋäyu ni buc Jwøk kare acäännö.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Luk 6:20

Kanyøgø Jecu alwïthö ni neen jï bääge, ni kööe, «Gwïëth en jïïu, u ni can, kiper buc Jwøk a maru.

Luk 9:2

Ni jääŋ geni wøk kuna køpge luum buc Jwøk ni ge kunyö ki jø täwe.

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

2 Körin 7:10

Kiper teeŋ kïmmö man wø many Jwøki wø käla løk cwïny man wø bwöth baŋ pïëm man piem jiy ki gø, ni bäŋ jääl røk. 'Ba kïmmö mar pinyi en wø duua thøø.

Köløcia 1:13

Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

2 Timöthi 2:25

na ŋat wø pwöny jøøa wïthge teek ni eni mwöl, ni kanymør geno wëëk Jwøki løk cwïny, ki man ŋäcge adïëri,

Ibaru 6:1

Kiper manøgønø, beerra man kaalø pwöc man wø kwøŋ dhaanhø pwönynyö ki gø kiper Krictø, ni cøø baŋ pwöc man wø wëëk dhaanhø døøŋŋø ki ri ŋäädhe, ni ø ba nøøc tier løk cwïny man wø løk røk ri tïïe moa en ri thøø, ki mar ŋäädhe man wø en ri Jwøk,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

Mana Nyooth 2:21

Ena wëënna ki nïne nee cwïnye løøe, 'ba eni kweeyø ki man løk cwïnye ni wec käp mare.

Mana Nyooth 2:5

Caar wïïï ki gïna døøï cään ki gø. Løk cwïnyï, ni tïïyï tïïe moa wara tïïyï dïkwøŋ. 'Ba ni näk ba tïïyï, ni ba løgï cwïnyï, a ööa baŋï, ni lwøra lamba marï kare, ni daaa gø.