Mathiew 3:11 - Wëël Jwøk

¹¹ «Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Mathiew 3:11 Iomraidhean Croise

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Mathiew 3:6

Ni lwøk geni na nyuudhi yi Naam Jördan, ni køpge raacge.

Maak 1:4

Jøøn na näk dïlööy na nyuudhi ree anyoodhe ŋää paac, ni køpa luum lwøk jiy na nyuudhi na en ri løk cwïny, kiper raac jiy nee wec Jwøki.

Luk 1:17

'Ba eno cäädhi nyïm Wuuö Jwøk ki teeŋ bëët Ilaaja ki teek mare, ni løø cwïny wëëe baŋ obwöre moge, ni løø wïth jøøa wïthge teek baŋ acaac jøøa marge beyø, ni tïïc jiy na jiy mo ojiiŋŋø kiper Wuuö Jwøk.»

Luk 3:16

Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Luk 3:3

Ni ö eni ni caath bäät Naam Jördan bäre, ni køpa luum lwøk jiy na nyuudhi na en ri løk cwïny kiper raac jiy nee wec Jwøki.

Jøøn 1:15

Jøøn acäänö ki gïre, ni cwödö, ni «Man beeye ŋata gïre caana, ni ‹Eni no ööi køøra dwøŋŋa eni ki aani, kiper eni nutö cøøn naa poodi.› »

Jøøn 1:30

Eni beeye na gïre køba, ni ‹Da dhaanhø mo öö køøra, mo dwøŋŋa eni ki aani, kiper eni nutö cøøn naa poodi.›

Moa Tïïc Nyïïatwieli 1:5

kiper Jøøn alöö ki pïï na nyuudhi, 'ba ki køør nïne mo nøk uuno lwøk ki Jwïëc Jwøk na en kur keere.»

Moa Tïïc Nyïïatwieli 19:4

'Ba Pøøl aköö, ni «Jøøn alöö ki lwøk na nyuudhi mar løk cwïny, ni kööm jiy ki man jïëcge ŋato ööi køøre, ni beeye Jecu.»

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Moa Tïïc Nyïïatwieli 8:38

Ni jook jääne nee cuŋŋe, ni ïnhge piny ni cige yïth pïï karge riet, Pilip ki ŋata näk odïnö. Ni lwøk gø na nyuudhi.

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.