Mathiew 28:19 - Wëël Jwøk

¹⁹ Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Mathiew 28:19 Iomraidhean Croise

Wïlöölö 1:26

Køør manøgø nø Jwøk aköö, «Beerra man cwääø ki dhaanhø mo rööma øøni mo kïte caala øøni. Eno bëëdö ni jïre da teek bäät rec naam, ki wec maal, ki lääc paac, këël bäät piny bäre ki gïïa näk muulö bëët bäät piny.»

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 25:32

Ni ö wïth juurre bëët ni cooŋi nyïme, ni pääŋ geni kaawat man wø ö dïkwääyi ni wø køc rööm ka atëëe.

Moa Tïïc Nyïïatwieli 1:2

gøøc dïcäŋa lwøri na kïthi maal, køør mana kööm nyïïatwieli moe ki ri Jwïëc Jwøk na en kur keere, jøøa näk ee jierø.

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 14:21

'Ba na nø køpge luumma nyään na met paanøce, ni tïïcge jiy mo thööth na bääŋi, gena døø Litara, ni pööthge Ayköniem ki Antïëk,

Moa Tïïc Nyïïatwieli 2:41

'Ba kanyøgø nø jøøa jïëy ki luumme, gena lwøk na nyuudhi. 'Ba dïcäŋöca jøøa dwätö ki bääk Jecu, ge jïtö ki kar kume adäk.

Moa Tïïc Nyïïatwieli 28:28

«Kiper manøgø nø, wär ŋäyu nø, ni luum pïëm man piem jiy ki gø man en, na öö ki baŋ Jwøk, awëëk kïth baŋ juurre. Kiper geni ïthge cekge ciiø.» [

Moa Tïïc Nyïïatwieli 9:18

Kanyøgø gïï mo caala kwönne aput päth piny ki nyeŋŋe, ni døø nyeŋŋe karge. Ni ö maal ni lwøi na nyuudhi.

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

1 Körin 15:29

?'Ba ni näk patha enøgønø, aperŋø ni wø ö jø møøki wø lwøk dëëtge na nyuudhi ki kur jøøa näk othøw? ?A ni näk jøøa näk othøw ba tïŋ maal na bäre bäre, aŋø ni wø ö jø møøki wø lwøk dëëtge ki kurge?

2 Körin 13:14

'Ba met yi Kwäärö ma Jecu Krictø, ki mëëc Jwøk, ki dwätö mar Jwïëc Jwøk na en kur keere en bäätu bëët.

Galeecia 3:27

'Ba uuni bëët na lwøk na nyuudhi dëër Krictø, Krictø arøøu dëëtu.

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,

1 Jøøn 5:7

'Ba beeye Jwïëc Jwøk na näk lïŋi, kiper Jwïëc Jwøk beeye adïëri.